തിരുവനന്തപുരം: കോവിഡ് വ്യാപനം രൂക്ഷമാകുന്നതിന്റെ പശ്ചാത്തലത്തില് സംസ്ഥാനത്ത് നിയന്ത്രണങ്ങള് കടുപ്പിക്കുന്നു. സംസ്ഥാനത്ത് കോവിഡ് പരിശോധന വര്ധിപ്പിക്കാനും തീരുമാനമായി. ഇതിന്റെ ഭാഗമായി നാളെയും മറ്റന്നാളുമായി സംസ്ഥാനത്ത് രണ്ടരലക്ഷം പരിശോധനകള് നടത്തും.വ്യാപകമായ പരിശോധന, കര്ശനമായ നിയന്തണം, ഊര്ജിതമായ വാക്സിനേഷന് എന്നീ മൂന്നു തലങ്ങളിലൂടെ കോവിഡ് വ്യാപനം തടയാനാണ് സര്ക്കാര് ഉദ്ദേശിക്കുന്നത്.വിപുലമായ പരിശോധനയ്ക്കുള്ള സൗകര്യങ്ങള് എല്ലാ ജില്ലകളിലും ഒരുക്കി.
സംസ്ഥാനത്ത് കോവിഡ് കേസുകളില് കുതിച്ചുയരുന്നതിന്റെ പശ്ചാത്തലത്തില് മുഖ്യമന്ത്രി വിളിച്ച അടിയന്തരയോഗത്തിന്റേതാണ് നിര്ദേശങ്ങള്. കണ്ടെയ്ന്മെന്റ് സോണുകളില് കര്ശനമായ നിയന്ത്രണം തുടരാൻ നിര്ദേശിച്ചു. വിവാഹം,ഗൃഹപ്രവേശം, പൊതുപരിപാടികള്, എന്നിവയ്ക്ക് ഇനി മുന്കൂര് അനുമതി വേണം. കോവിഡ് നെഗറ്റീവ് സര്ട്ടിഫിക്കറ്റ് ഉളളവര്ക്ക് മാത്രമായിരിക്കും ഇനിമുതൽ മാളിലും മാര്ക്കറ്റിലും പ്രവേശനം. നിര്ദേശം പാലിക്കുന്നുണ്ടെന്ന് പോലീസ് ഉറപ്പുവരുത്തണം. സ്കൂള് കുട്ടികള്ക്ക് ബസ് സൗകര്യം കൃത്യമായി ഏര്പ്പെടുത്തണം.
ട്യൂഷന് സെന്ററുകളില് ജാഗ്രത പുലര്ത്തണം എന്നിവയാണ് മറ്റ് നിർദേശങ്ങൾ
