കോട്ടയം ചിങ്ങവനത്തെ സ്വകാര്യ സ്കൂളില് വിനോദയാത്രയ്ക്ക് എത്തിച്ച 5 ടൂറിസ്റ്റ് ബസുകളെ മോട്ടര് വാഹനവകുപ്പ് വിലക്കി . ബസുകളില് എയര് ഹോണും ലേസര് ലൈറ്റുകളും പിടിപ്പിച്ചിരുന്നു. വേഗപ്പൂട്ടുകള് വിച്ഛേദിച്ച നിലയിലുമായിരുന്നു. ഇതേത്തുടര്ന്നാണ് വിലക്കിയത്.
ഊട്ടി, വയനാട് ഉൾപ്പെടെയുള്ള സ്ഥലങ്ങളിലേക്ക് വിദ്യാർഥികളുമായി യാത്ര പോകാൻ എത്തിയതായിരുന്നു ബസുകള്. കൊല്ലം കൊട്ടാരക്കര തലച്ചിറയിലെ പോളിടെക്നിക് കോളജിൽ എത്തിയ ബസും വിലക്കി.
ഈ ബസില് വേഗപ്പൂട്ട് ഘടിപ്പിച്ചിരുന്നില്ല. നിരോധിച്ച ശബ്ദ, വെളിച്ച സംവിധാനങ്ങളും കണ്ടെത്തിയതിനെ തുടർന്നാണ് നടപടി.
