പ്രതീകാത്മക ചിത്രം
ചങ്ങനാശേരി: കുട്ടനാട്ടിലെ നെടുമുടി പഞ്ചായത്തില് ഉള്പ്പെടെ വിളവെടുത്ത് ആഴ്ചകള് കഴിഞ്ഞിട്ടും കര്ഷകരുടെ നെല്ല് സംഭരിക്കാത്തത് പ്രതിഷേധാര്ഹമാണെന്ന് കത്തോലിക്ക കോണ്ഗ്രസ് ചങ്ങനാശേരി അതിരൂപത സമിതി.
മില്ലുടമകള്ക്ക് സര്ക്കാര് നല്കാനുള്ള പണം ഉടന് നല്കി പ്രശ്നത്തിനു ശാശ്വത പരിഹാരം കാണണം. മുഖ്യമന്ത്രി, കൃഷി മന്ത്രി, എംഎല്എ എന്നിവര് ഇക്കാര്യത്തില് അടിയന്തര ഇടപെടല് നടത്തണമെന്നും കത്തോലിക്ക കോണ്ഗ്രസ് ചങ്ങനാശേരി അതിരൂപത സമിതി ആവശ്യപ്പെട്ടു.
നെല്ലിന്റെ വില ക്വിന്റലിന് 3000 രൂപയായി ഉയര്ത്തുക, സംഭരിച്ച നെല്ലിന്റെ പണം 15ദിവസത്തിനകം കര്ഷകര്ക്ക് നല്കുക, നെല്ലിന്റെ കൈകാര്യ ച്ചെലവ് 200 രൂപയായി ഉയര്ത്തുക തുടങ്ങി കര്ഷകരുടെ പ്രധാന ആവശ്യങ്ങള് ഉന്നയിച്ച് കര്ഷകരക്ഷാ സംഗമം ഉടന് സംഘടിപ്പിക്കും.
അതിരൂപത പ്രസിഡന്റ് അഡ്വ.പി.പി. ജോസഫ് അധ്യക്ഷത വഹിച്ചു. ബിജു സെബാസ്റ്റ്യന്, ബാബു വള്ളപ്പുര, സി.ടി. തോമസ്, ലിസി പൗവ്വന്ചിറ, മിനി ജയിംസ്, ഷേര്ളിക്കുട്ടി, രാജേഷ് ജോണ്, വര്ഗീസ് ആന്റണി, ബിനു ഡൊമിനിക്, ജോസ് ജോണ് വെങ്ങാന്തറ, ജോര്ജുകുട്ടി മുക്കത്ത്, കെ.എസ്. ആന്റണി, മോഡി തോമസ്, എബിന് ആയിരപ്പറ, ജോസി പുതുമന, നൈനാന് തോമസ്, തോമസ് വര്ക്കി എന്നിവര് പ്രസംഗിച്ചു.
