കിടങ്ങൂർ: കേരള കോൺഗ്രസ് (എം) സംസ്ഥാന കമ്മിറ്റി അംഗവും പാർട്ടി സീനിയർ നേതാവുമായ പി റ്റി ജോസഫ് (ഏപ്പ് ചേട്ടൻ) പുറത്തേലിന്റെ സംസ്കാരം ശനിയാഴ്ച നടക്കും.
27/10/2023 വെള്ളിയാഴ്ച വൈകുന്നേരം 4 മണിക്ക് കിടങ്ങൂർ ലിറ്റിൽ ലൂർദ് ഹോസ്പിറ്റലിൽ നിന്നും ഭൗതികശരീരം 4.15 ന് കിടങ്ങൂർ ടൗണിൽ പഞ്ചായത്ത് ഓഫീസിന് സമീപം പൊതുദർശനത്തിന് വയ്ക്കും.
പൊതുദർശനത്തിന് ശേഷം 4.45 ന് അദ്ദേഹത്തിന്റെ ടൗണിലുള്ള ഭവനത്തിൽ എത്തിയ്ക്കും.
ശനിയാഴ്ച (28/10/2023) രാവിലെ ആറുമണിക്ക് തീർത്ഥം പ്രസ് റോഡിലുള്ള സഹോദരൻ ചാക്കോച്ചന്റെ വസതിയിൽ ഭൗതികശരീരം കൊണ്ടുവരും. 10.30 ന് വീട്ടിൽ സംസ്കാര ശുശ്രൂഷകൾ ആരംഭിച്ച് 11 മണിക്ക് കിടങ്ങൂർ സെന്റ് മേരീസ് ഫൊറോന പള്ളി സെമിത്തേരിയിൽ സംസ്കാരം നടത്തപ്പെടും.
അതിനുശേഷം പള്ളിയങ്കണത്തിൽ അനുശോചന യോഗവും നടത്തപ്പെടും.ദീർഘകാലം കിടങ്ങൂർ ഗ്രാമപഞ്ചായത്ത് പ്രസിഡണ്ട്, ഉഴവൂർ ബ്ലോക്ക് പഞ്ചായത്ത് മെമ്പർ, ക്നാനായ കത്തോലിക്കാ കോൺഗ്രസ് പ്രസിഡണ്ട്, കേരള കോൺഗ്രസ് (എം) മണ്ഡലം പ്രസിഡണ്ട്, മർച്ചന്റ് അസോസിയേഷൻ ഭാരവാഹി തുടങ്ങിയ നിരവധി പദവികൾ അലങ്കരിച്ചിട്ടുണ്ട്.
