പാലാ : പ്രസിദ്ധ തീർത്ഥാടന കേന്ദ്രമായ കിഴതടിയൂർ പള്ളിയിൽ വിശുദ്ധ യൂദാശ്ലീഹായുടെ നൊവേന തിരുനാളിനോട് അനുബന്ധിച്ച് വിശുദ്ധന്റെ സ്വരൂപം പരസ്യ വണക്കത്തിന് പ്രതിഷ്ഠിച്ചു. മാർ ജോസഫ് പള്ളിക്കാപറമ്പിൽ മുഖ്യ കാർമികത്വം വഹിച്ചു.
ഇന്ന് വൈകുന്നേരം 4.45 ന് പ്രസുദേന്തി സമർപ്പണം. 6.30 ന് ആഘോഷമായ ജപമാല പ്രദക്ഷിണം. പ്രധാന തിരുനാൾ ദിനമായ 28ന് രാവിലെ 5.30, 7.00, 10.00, ഉച്ചകഴിഞ്ഞ് 3.00, വൈകുന്നേരം 5.00, രാത്രി 7.00 എന്നീ സമയങ്ങളിൽ വിശുദ്ധ കുർബാനയും നൊവേനയും.
നാളെ രാവിലെ 10.00 ന് സീറോ മലബാർ സഭ കൂരിയ ബിഷപ്പ് മാർ സെബാസ്റ്റ്യൻ വാണിയപുരക്കൽ വിശുദ്ധ കുർബാന അർപ്പിച്ച് സന്ദേശം നൽകും. ഉച്ചയ്ക്ക് 12ന് ആഘോഷമായ തിരുനാൾ പ്രദക്ഷിണം. നാളെ രാവിലെ 5.15 മുതൽ നെയ്യപ്പം നേർച്ച വിതരണം ഉണ്ടായിരിക്കും.
തിരുനാൾ ആഘോഷങ്ങൾക്ക് വികാരി ഫാ. തോമസ് പനക്കക്കുഴി, സഹവികാരി ഫാ. ജോബി കുന്നയ്ക്കാട്ട്, പാസ്റ്റൽ അസിസ്റ്റന്റ് ഫാ. സെബാസ്റ്റ്യൻ ആലപ്പാട്ട് കുന്നേൽ, കൈകാരന്മാരായ ജോസഫ് ഏഴുപറയിൽ, ജോസ് ആരംപുളിക്കൽ, ക്ലമെന്റ് അറയ്ക്കൽ, സോജൻ വെള്ളരിങ്ങാട്ട് എന്നിവർ നേതൃത്വം നൽകും.
