തിരുവനന്തപുരം : കിഫ്ബിയില് നടന്ന ആദായ നികുതി വകുപ്പ് റെയ്ഡിനെതിരേ കടുത്ത വിമര്ശവുമായി ധനമന്ത്രി തോമസ് ഐസക്. കിഫ്ബിക്കെതിരായ റെയ്ഡ് തെമ്മാടിത്തരം മാത്രമല്ല ഊളത്തരമാണെന്നും തോമസ് ഐസക് പറഞ്ഞു . ഐആര്എസ്സുകാര് 15 പേരെ കൂട്ടി കിഫ്ബി ഓഫീസിലെത്തി ഭീഷണിപ്പെടുത്തുകയായിരുന്നു. കിഫ്ബി ഒരു ധനകാര്യ സ്ഥാപനമാണ്. അതിന്റെ സത്പേര് നശിപ്പിക്കാനാണ് റെയ്ഡ് നടത്തിയതെന്നും തോമസ് ഐസക്ക് വ്യക്തമാക്കി. ഹൂളിഗനിസത്തിന്റെ നല്ല ഉദാഹരണം ആണ് നടന്നതെന്നും തോമസ് ഐസക് കൂട്ടിച്ചേര്ത്തു.100 കോടിരൂപയുടെ കോണ്ട്രാക്ടില് 10 കോടി രൂപ ഇന്കംടാക്സ് വിഹിതമായിട്ടുണ്ടെങ്കില് 10 കോടി രൂപ എസ്പിബിക്ക് കൊടുക്കും. 90 കോടി രൂപ കോണ്ട്രാക്ടര്ക്ക് കൊടുക്കും. ഇങ്ങനെയാണ് ബിഡ് ചെയ്യുന്നത്. ഇതാണ് എസ്പിബിയുമായുള്ള കരാര്. ഇങ്ങനെയാണ് സര്ക്കാര് ഉത്തരവില് പറയുന്നതും. ഇതുവരെ 73 കോടി രൂപ ഇന്കംടാക്സ് ഡിഡക്ഷന് മാത്രമായി വിവിധ എസ്പിബികള്ക്ക് നല്കിയിട്ടുണ്ട്. ഇതെല്ലാം അവര് ചോദിച്ചപ്പോള് വിശദീകരിച്ചതും കടലസ്സു കൊടുത്തതുമാണ്. ആരെങ്കിലും അടച്ചില്ലെങ്കില് ഇന്കംടാക്സുകാര് എസ്പിബിയില് പരിശോധിച്ചാൽ മതി. അവരാണ് ഉത്തരവാദികള്. ഇവിടെ മെക്കിട്ട് കയറണ്ട ", തോമസ് ഐസക്ക് പറഞ്ഞു .
