രാമപുരം പഞ്ചായത്തിൻ്റെ വാർഷിക പദ്ധതിക്ക് അംഗീകാരം ലഭിച്ചു

കോട്ടയം: രാമപുരം ഗ്രാമപഞ്ചായത്തിന്റെ 2022-23 വാർഷിക പദ്ധതിക്ക് ജില്ലാ ആസൂത്രണ സമിതി അംഗീകാരം നൽകി.

ഉത്പാദന മേഖലയിൽ  1,21,91,800 രൂപയും സേവന മേഖലയിൽ 5,67,45,723 രൂപയും പശ്ചാത്തല മേഖലയിൽ 2,19,07,606 രൂപയും  പട്ടികജാതി വിഭാഗക്കാർക്കായി 1,24,51,000 രൂപയും പട്ടിക വർഗ്ഗ വിഭാഗത്തിൽ 21,75,000 രൂപയും  ഉൾപ്പെടെ ആകെ  10,54,71,129 രൂപ  അടങ്കൽ തുക വരുന്ന പദ്ധതികൾക്കാണ് അംഗീകാരം ലഭിച്ചിട്ടുള്ളത്. 

ലൈഫ് ഭവന പദ്ധതിക്കായി 2,59,53,000 രൂപയുടെയും ഭവന പുനരുദ്ധാരണ പദ്ധതികൾക്കായ് 49,42,000 രൂപയുടെയും  ബഡ്സ് സ്കൂൾ പ്രവർത്തനത്തിന്  15,56,653 രൂപയുടെയും, ബാലസൗഹൃദ പ്രവർത്തനങ്ങൾക്കായ് 4 ലക്ഷം രൂപയുടെയും പദ്ധതികൾ ഏറ്റെടുത്തിട്ടുണ്ട്.

പഞ്ചായത്ത് പ്രസിഡന്റ് ഷൈനി സന്തോഷും വൈസ് പ്രസിഡന്റ് സണ്ണി പൊരുന്നകോട്ടുമാണ് ഇക്കാര്യങ്ങൾ  അറിയിച്ചു.അംഗീകാരം ലഭിച്ച പദ്ധതികൾ സമയബന്ധിതമായി നടപ്പാക്കുമെന്ന് അവർ അറിയിച്ചു.