ആലുവ: ജനസേവ ശിശുഭവൻ ചെയർമാനായി ജോസ് മാവേലി, പ്രസിഡന്റായി അഡ്വ.ചാർളി പോൾ എന്നിവരെ തെരഞ്ഞെടുത്തു. ഇന്ദിര ശബരിനാഥാണ് ജനറൽ സെക്രട്ടറി.
എം.സി ലൂക്കാ- ട്രഷറർ, പി.സി കുഞ്ഞുമോൻ- വൈസ് പ്രസിഡന്റ്, മേഴ്സി മിനു- ജോയിന്റ് സെക്രട്ടറി, വി.മണി, കെ.ഒ ക്ലാരമ്മ- മാനേജിംഗ് കമ്മറ്റിയംഗങ്ങൾ എന്നിവരാണ് മറ്റ് ഭാരവാഹികൾ. മുഖ്യ രക്ഷാധികാരിയായി പത്മശ്രീ ഡോ.ടോണി ഫെർണാണ്ടസ്, രക്ഷാധികാരികളായി സിനിമാ താരം കവിയൂർ പൊന്നമ്മ, ഡോ.സി.എം ഹൈദരാലി, വൈസ് ചെയർമാനായി കെ.ജെ ജോസഫ്, കൺവീനറായി ജോബി തോമസ് എന്നിവരെയും തെരഞ്ഞെടുത്തു.
ആലുവ മഹനാമി ഹോട്ടൽ ഹാളിൽ നടന്ന ആലുവ ജനസേവയുടെ 28-മത് വാർഷിക ജനറൽ ബോഡി യോഗത്തിലാണ് തെരഞ്ഞെടുപ്പ് നടന്നത്. ഭാരവാഹികൾ ചുമതലയേറ്റു.
