ഏറ്റുമാനൂർ കെ.എസ്.ആർ.ടി.സി ബസ് സ്റ്റാൻഡിന്റെ പ്രധാന കവാടത്തിന്റെ മുന്നിലത്തെ വലിയ കുഴി ബസ് കയറി ഇറങ്ങി പോകുന്ന ചിത്രം
ഏറ്റുമാനൂർ: കെ.എസ്.ആർ.ടി.സി ബസ് സ്റ്റാൻഡിലെ പ്രധാന കവാടത്തിൽ റോഡ് കുഴി ആയി കിടക്കാൻ തുടങ്ങിയിട്ട് നാളുകൾ ഏറെയായി. യാത്രക്കാർ പല പ്രാവശ്യം അധികാരികളുടെ ശ്രദ്ധയിൽപ്പെടുത്തിയിട്ടും ശാശ്വത പരിഹാരം ഉണ്ടാകുന്നില്ല. പാലാ, എറണാകുളം, കോട്ടയം എല്ലാ ബസ്സുകളും ഈ പ്രധാന കവാടത്തിലൂടെയാണ് പോകുന്നത്.
ബസ്സുകൾ ഈ വലിയ കുഴിയിലൂടെ കയറി ഇറങ്ങുന്നതിലൂടെ യാത്രക്കാർക്ക് കനത്ത ബുദ്ധിമുട്ടാണ് അനുഭവപ്പെടുന്നത്. ദൂര സ്ഥലത്ത് നിന്ന് വരുന്ന യാത്രക്കാർക്ക് പല പ്രാവശ്യം പ്രതീക്ഷിക്കാതെ കുഴിയിൽ വീഴുന്നതും അപകടം ഉണ്ടാകുന്നതും സ്ഥിരം സംഭവമായിരിക്കുകയാണ്. ഇതിനെതിരെ കണ്ണടച്ച് അധികാരികളും.
യാത്രക്കാരുടെ ബുദ്ധിമുട്ട് മനസ്സിലാക്കി ശാശ്വത പരിഹാരം ഉടൻ നടപ്പാക്കണമെന്ന് സ്ഥിരം യാത്രക്കാരനായ റോബിൻ ഇരുമാപ്ര പറയുന്നു.
