ഏഷ്യാനെറ്റ് ന്യൂസിന്റെയും മീഡിയ വണ് ചാനലിന്റെയും പ്രക്ഷേപണത്തിന് താല്ക്കാലിക നിരോധനമേര്പ്പെടുത്തി കേന്ദ്രസര്ക്കാര്. രണ്ട് ദിവസത്തേക്കാണ് വിലക്ക്. കേന്ദ്ര വാര്ത്താ പ്രക്ഷേപണ മന്ത്രാലയത്തിന്റേതാണ് നടപടി. ഡല്ഹി കലാപം റിപ്പോര്ട്ട് ചെയ്തതില് കേബിള് ടിവി ആക്ടിന്റെ ലംഘനമുണ്ടായെന്ന് ആരോപിച്ചാണ് നടപടി. വെള്ളിയാഴ്ച വൈകീട്ട് 7.30 മുതലാണ് പ്രക്ഷേപണം തടസപ്പെടുത്തിയത്. ഞായറാഴ്ച വൈകീട്ട് 7.30 വരെ ചാനലിന്റെ പ്രക്ഷേപണം നിര്ത്തിവെയ്ക്കണമെന്ന് അപ് ലിങ്കിങ് സെന്ററിന് നിര്ദേശം നല്കുകയായിരുന്നു. ഡല്ഹി ആസ്ഥാനമായ എസ് എല് ശ്യാം എന്ന സ്വകാര്യ കമ്പനിയാണ് ചാനലുകളുടെ അപ് ലിങ്കിങ്ങ് നിര്വഹിക്കുന്നത്. 7.25 നാണ് ഇതുസംബന്ധിച്ച് ചാനലുകള്ക്ക് പ്രസ്തുത കമ്പനിയില് നിന്ന് അറിയിപ്പ് ലഭിക്കുന്നത്.
