തിരുവനന്തപുരം: സംസ്ഥാനത്ത് തിങ്കളാഴ്ച മുതല് എല്ലാ സര്ക്കാര് ഓഫീസുകളും തുറക്കുന്നതിനാല് എല്ലാ ജീവനക്കാരും ജോലിക്കെത്തണമെന്ന് നിര്ദേശം. ഹോട്ട്സ്പോട്ടുകള് ഒഴികെയുള്ള എല്ലായിടത്തും സര്ക്കാര് ഓഫീസുകള് തുറക്കും. ഇതിനായുള്ള മാര്ഗനിര്ദേശം പുറത്തിങ്ങി.
കണ്ടെയ്ന്മെന്റ് സോണുകളില് ജീവനക്കാരുടെ എണ്ണം കുറയ്ക്കാം. ഏഴു മാസം ഗര്ഭിണികളായവരെ ജോലിയില്നിന്നും ഒഴിവാക്കണം. ഒരു വയസില് താഴെയുള്ള കുട്ടികളുടെ അമ്മമാര്ക്കും ഇളവ് നല്കും. വര്ക്ക് ഫ്രം ഹോം പ്രോത്സാഹിപ്പിക്കണമെന്നും മാര്ഗരേഖ നിര്ദേശിക്കുന്നു.
ബസില്ലാത്തതിനാല് സ്വന്തം ജില്ലകളില് ജോലി ചെയ്യുന്നവര് അതാത് ഓഫീസുകളില് എത്തണം. ജീവനക്കാരനോ കുടുംബാംഗത്തിനോ കോവിഡ് ബാധിച്ചാല് 14 ദിവസം അവധി നല്കും. പ്രത്യേക കാഷ്വല് ലീവ് ആണ് അനുവദിക്കുന്നത്. മെഡിക്കല് ഓഫീസറുടെ സര്ട്ടിഫിക്കറ്റ് പ്രകാരമായിരിക്കും അവധി. ശനിയാഴ്ച അവധി തുടരുമെന്നും മാര്ഗരേഖയില് പറയുന്നു.
