യു.എ.ഇ: ഇന്ത്യയിൽ നിന്ന് യു.എ.ഇയിലേക്ക് വിമാന സർവീസുകൾ പുനരാരംഭിച്ചു. ഓഗസ്റ്റ് 15 വരെയായിരിക്കും സർവീസ് തുടരുക. അബുദാബി, ദുബായ് ഷാർജ എന്നിവിടങ്ങിലേക്കാണ് സർവീസുകൾ. ഐ.സി.എ., ജി.ഡി.ആർ.എഫ്.എ. അനുമതി ഉള്ള താമസവിസക്കാർക്ക് മാത്രമാണ് യുഎഇയിൽ ഇപ്പോൾ തിരിച്ചെത്താൻ കഴിയുക.
യുഎഇയിൽ നിന്ന് ഇന്ത്യയിലേക്കും തിരിച്ചും വിമാന സർവീസുകൾ നടത്താൻ ഇരുരാജ്യങ്ങളും തീരുമാനിച്ചിരുന്നു. അതനുസരിച്ച് ജുലൈ 26 വരെ കേരളം അടക്കമുള്ള സംസ്ഥാനങ്ങളിൽ നിന്ന് നിരവധിപേർ യുഎഇയിൽ തിരിച്ചെത്തിയിരുന്നു.
12 വയസ്സിൽ താഴെയുള്ള കുട്ടികൾക്ക് അബുദാബി, ഷാർജ എന്നിവിടങ്ങളിലെത്താൻ കൊവിഡ് പരിശോധനാ ഫലം വേണ്ട. ഓഗസ്റ്റ് 1 മുതൽ ദുബായിലും കുട്ടികൾക്ക് കൊറോണ നെഗറ്റീവ് ഫലം ആവശ്യമില്ല.
അതേസമയം, കാലാവധി കഴിഞ്ഞ അനുമതിയുമായി യാത്രയ്ക്ക് ശ്രമിക്കരുതെന്ന് എയർ ഇന്ത്യ എക്സ്പ്രസ്സ് അറിയിച്ചു. ടിക്കറ്റ് ബുക്ക് ചെയ്താൽ റദ്ദാക്കാനാകില്ല. യാത്രയ്ക്ക് 96 മണിക്കൂർ മുമ്പുള്ള കൊവിഡ് 19 പിസിആർ പരിശോധനാഫലം കരുതണം.
