തിരുവനന്തപുരം: ലൈഫ് ഭവന നിർമാണ പദ്ധതിയിൽ അപേക്ഷ സമർപ്പിക്കുന്നതിനുള്ള തീയതി നീട്ടി. സെപ്റ്റംബർ 23 വരെയാണ് തീയതി നീട്ടിയിരിക്കുന്നത്. പദ്ധതിയിൽ പേരു ചേർക്കേണ്ട തീയതി ഇന്ന് അവസാനിപ്പിക്കാൻ ഇരിക്കെയാണ് തീയതി വീണ്ടും നീട്ടിയത്.
കോവിന്റെ പശ്ചാത്തലത്തിൽ പല ഗുണഭോക്താക്കൾക്കും അപേക്ഷ സമർപ്പിക്കുന്നതിന് ആവശ്യമായ രേഖകൾ സംഘടിപ്പിക്കുന്നതിനു കഴിയാതെ വന്ന സാഹചര്യത്തിലാണ് പുതിയ തീരുമാനം. www.life2020.kerala.gov.in- എന്ന വെബ്സൈറ്റിലൂടെയാണ് അപേക്ഷകൾ സമർപ്പിക്കേണ്ടത്.
