ന്യൂഡൽഹി : രാജ്യത്തെ കോവിഡ് വാക്സിന് വിതരണം പ്രധാനമന്ത്രി നരേന്ദ്ര മോദി ഉദ്ഘാടനം നിർവ്വഹിച്ചു. ഡല്ഹിയില്നിന്ന് വീഡിയോ കോണ്ഫറന്സ് വഴിയാരുന്നു ഉദ്ഘാടനം. വാക്സിന് എപ്പോള് ലഭ്യമാകുമെന്ന് എല്ലാവരും ചോദിച്ചു കൊണ്ടിരിക്കുകയായിരുന്നു. ഇപ്പോള് അത് ലഭ്യമായിരിക്കുന്നു. ഈ അവസരത്തില് എല്ലാ പൗരന്മാരെയും താന് അഭിനന്ദിക്കുന്നു-പ്രധാനമന്ത്രി പറഞ്ഞു.
കൊറോണ വൈറസ് വാക്സിന്റെ രണ്ടു ഡോസുകളും പ്രധാനപ്പെട്ടതാണെന്ന് ജനങ്ങളെ ഓര്മിപ്പിക്കാന് ആഗ്രഹിക്കുകയാണ്. രണ്ട് ഡോസുകളും സ്വീകരിക്കുന്നതിന് ഒരു മാസത്തെ ഇടവേളയുണ്ടാകണമെന്ന് വിദഗ്ധര് പറഞ്ഞിട്ടുണ്ടെന്നും മോദി വ്യക്തമാക്കി.സാധാരണയായി ഒരു വാക്സിന് വികസിപ്പിക്കാന് വര്ഷങ്ങള് ആവശ്യമാണ്. എന്നാല് ഇത്രയും കുറഞ്ഞ സമയത്തിനുള്ളില്, ഒന്നല്ല രണ്ട് മേയ്ഡ് ഇന് ഇന്ത്യ വാക്സിനുകള് തയ്യാറായിക്കഴിഞ്ഞു. ഇതിനിടെ മറ്റ് വാക്സിനുകളുടെ വികസിപ്പിക്കലും അതിവേഗം പുരോഗമിച്ചു കൊണ്ടിരിക്കുകയാണെന്നും പ്രധാനമന്ത്രി പറഞ്ഞു.
