യന്ത്രത്തകരാർ ; തിരുവനന്തപുരത്ത് വിമാനത്തിന് അടിയന്തര ലാന്‍ഡിങ് - BMTV

തിരുവനന്തപുരം: ഷാർജയിൽനിന്ന് കോഴിക്കോടേക്കു പോയ വിമാനം  അടിയന്തരമായി തിരുവനന്തപുരം വിമാനത്താവളത്തിലിറക്കി. വിമാനത്താവളത്തില്‍ ജാഗ്രതാ നിര്‍ദേശം പുറപ്പെടുവിച്ചു. യന്ത്രത്തകരാറിനെത്തുടർന്നാണ് അടിയന്തര ലാന്‍ഡിങ്.

എയർ ഇന്ത്യ എക്സ്പ്രസ് വിമാനമാണ് നിലത്തിറക്കിയത്. 112 യാത്രക്കാരെ വിമാനത്തിനു പുറത്തെത്തിച്ചു. ഹൈഡ്രോളിക് ലീക്കേജിനെത്തുടർന്നാണ് വിമാനം നിലത്തിറക്കിയതെന്നു എയർപോർട്ട് അധികൃതർ അറിയിച്ചു.