തിരുവനന്തപുരം: ഡോളർ കടത്തുകേസിൽ സ്പീക്കർ പി. ശ്രീരാമകൃഷ്ണനെ കസ്റ്റംസ് ചോദ്യം ചെയ്തു. ഇന്നലെ തിരുവനന്തപുരത്തെ വസതിയിലെത്തിയാണ് കസ്റ്റംസ് ഉദ്യോഗസ്ഥർ ചോദ്യം ചെയ്തത്.
വ്യാഴാഴ്ച കൊച്ചിയിലെ ഓഫിസിൽ ചോദ്യംചെയ്യലിന് ഹാജരാകണമെന്ന് ആവശ്യപ്പെട്ട് നോട്ടിസ് നൽകിയിരുന്നെങ്കിലും സുഖമില്ലെന്നു പറഞ്ഞ് ഹാജരായിരുന്നില്ല. ഇതേത്തുടർന്നാണ് കസ്റ്റംസ് ഉദ്യോഗസ്ഥർ തിരുവനന്തപുരത്ത് എത്തിയത്.
