ഇന്ത്യയിൽ കൊവിഡ് രോഗികൾക്കിടയിൽ 'മ്യൂക്കോര്മൈക്കോസിസ്' അഥവാ ബ്ലാക്ക് ഫംഗസ് ബാധ വ്യാപിക്കുകയാണ്. രാജ്യത്ത് ഇതുവരെ ബ്ലാക്ക് ഫംഗസ് ബാധ സ്ഥിരീകരിച്ചത് 11,717 പേര്ക്കെന്ന് കേന്ദ്രസര്ക്കാര് പറയുന്നു. ഗുജറാത്ത്, മഹാരാഷ്ട്ര, ആന്ധ്രാപ്രദേശ് എന്നീ സംസ്ഥാനങ്ങളിലാണ് കൂടുതല് രോഗികളെ കണ്ടെത്തിയത്.
ഗുജറാത്തില് ഇതുവരെ 2,859 പേര്ക്കാണ് ബ്ലാക്ക് ഫംഗസ് സ്ഥിരീകരിച്ചത്. മഹാരാഷ്ട്രയില് 2,770 പേര്ക്കും ആന്ധ്രാപ്രദേശില് 768 പേര്ക്കും ഇതുവരെ ബ്ലാക്ക് ഫംഗസ് ബാധ സ്ഥിരീകരിച്ചിട്ടുണ്ട്. മേയ് 25 രാവിലെ 9.36 വരെയുള്ള കണക്ക് അനുസരിച്ചാണിത്.
