തിരുവനന്തപുരം: പണമടച്ച് പരസ്യം കണ്ടുകൊണ്ടിരുന്നാല് വന് വരുമാനം നേടാമെന്ന് പറഞ്ഞ് ആളെപ്പറ്റിക്കുന്ന ആപ്പാണ് ഇപ്പോള് ചില മലയാളികളുടെ ഇടയിൽ ട്രെന്റ്. ജാ ലൈഫ് എന്ന പേരിലുള്ള ആപിലാണ് പണം നിക്ഷേപിച്ച് ശമ്പളം ഇന്നുവരും നാളെ വരും എന്ന് പ്രതീക്ഷിച്ച് ചിലര് പരസ്യവും കണ്ടിരിക്കുന്നത്.
 |
| വീഡിയോ കാണാന് ക്ലിക്ക് ചെയ്യു |
നാലുമാസം മുമ്പ് ജാ ലൈഫിന്റെ ഇന്ത്യയിലെ തലവനായ ജോണിയെ ബംഗുളുരു സെന്ട്രല് ക്രൈംബ്രാഞ്ച് അറസ്റ്റുചെയ്തെങ്കിലും തട്ടിപ്പ് കമ്പനി യഥേഷ്ടം വിഹരിക്കുകയാണിപ്പോഴും. പോള് കുമ്പളം, കേരളത്തിലെ ജാ ലൈഫിന്റെ പ്രൊമോട്ടറാണ്. യൂടൂബില് ധാരാളം വീഡിയോ ഇടും, 1100 രൂപ നിക്ഷേപിക്കുക, 60 പരസ്യം കിട്ടും, വെറുതെ അത് കണ്ടോണ്ടിരിക്കുക, ഇതാണ് പണി. പണം നിക്ഷേപിച്ചിട്ടും പലര്ക്കും ശമ്പളം കിട്ടാത്തതിന് കാരണം പറയുന്നതിങ്ങനെ ''രണ്ട് രീതിയിലുണ്ട്. ബോണസുമുണ്ട് പെമെന്റുമുണ്ട്. പേമെന്റ് ആര്ക്കും കിട്ടുന്നില്ല. ബോണസ് അനേകര്ക്ക് കിട്ടുന്നുണ്ട് . ബോണസ് കിട്ടണമെങ്കില് 1100 പോര. കണ്ടമാനം നിക്ഷേപിക്കണം. ആളുകളെയും ചേര്ക്കണം...'' കെണിയില് കുടുങ്ങാതെ പോലീസില് പരാതി നല്കിയ ആളുകളുമുണ്ട്. മലയാളികളടക്കം പതിനായിരങ്ങളാണ് ഇതുപോലെ പണവും നിക്ഷേപിച്ച് പരസ്യവും കണ്ടുകൊണ്ടിരിക്കുന്നത്.
