ആലപ്പുഴ: അയല്വാസിയുടെ മര്ദനത്തില് പത്താംക്ലാസ് വിദ്യാര്ഥിയുടെ കണ്ണിന് പരിക്ക്. ആലപ്പുഴ പല്ലന സ്വദേശി അനിലിന്റെ മകന് അരുണ് കുമാറിനാണ് പരിക്കേറ്റത്. അരുണിന്റെ കണ്ണിന് ഗുരുതര പരിക്കേറ്റു.അയല്വാസിയായ ശാരങധരന് എന്നയാള്ക്കെതിരെയാണ് പരാതി. കുട്ടികളെ കളിക്കാന് വിളിച്ചുകൊണ്ടുപോയതിന്റെ പേരിലാണ് മര്ദനം. വിദഗ്ദ ചികിത്സയ്ക്കായി കുട്ടിയെ മെഡിക്കല് കോളജ് ആശുപത്രിയിലേക്കു മാറ്റും.
 |
| വീഡിയോ കാണാന് ക്ലിക്ക് ചെയ്യു |
കുട്ടികളെ കളിക്കാൻ വിളിച്ചുകൊണ്ടുപോയതിന്റെ പേരിലാണ് അരുണിനെ അയൽക്കാരൻ അടിച്ചത്. ശാരങ്ങധരൻ കുട്ടിയെ ദേഹമാസകലം മർദ്ദിച്ചുവെന്നാണ് പരാതി. ശാരങ്ങധരൻ്റെ കൊച്ചുമക്കളും അരുണും മറ്റ് കുട്ടികളും ചേർന്ന് കളിക്കുന്നതിനിടെ ശാരങ്ങധരൻ വരികയും സ്വന്തം കൊച്ചുമക്കളെ പൊതിരെ തല്ലുകയും ചെയ്തു. കുട്ടികളുടെ കളിസാധനങ്ങൾ ഇയാൾ എടുത്ത് വച്ചു. അതെന്തിനാണ് എടുത്തതെന്ന് ചോദിച്ചപ്പോഴാണ് അരുണിനെ തല്ലിയത്.
അടിയിൽ നിന്ന് രക്ഷപ്പെടാൻ ഓടിയ അരുണിനെ വടി വീശി അടിച്ചപ്പോഴാണ് കണ്ണിന് പരിക്കേറ്റത്. കുട്ടിയുടെ ദേഹത്ത് കരുവാളിച്ച പാടുകളുണ്ടെന്നും ക്രൂരമർദ്ദനമാണ് ശാരങ്ങധരൻ നടത്തിയതെന്നും അരുണിന്റെ അച്ഛൻ പറയുന്നു. വ്യാഴാഴ്ച വൈകിട്ടാണ് സംഭവം. കുട്ടിയെ അടുത്തുള്ള ആശുപത്രിയിലെത്തിച്ച് പരിശോധനാ വിധേയനാക്കിയപ്പോൾ പരിക്ക് ഗുരുതരമാണെന്ന് കണ്ടെത്തി. വണ്ടാനം മെഡിക്കൽ കോളേജിൽ തുടർ ചികിത്സക്കായി കൊണ്ടുപോയിരിക്കുകയാണ് ഇപ്പോൾ. പൊലീസ് ഇന്ന് സ്ഥലത്തെത്തി തെളിവെടുപ്പ് നടത്തും
