കൊച്ചി: ഇന്ധന വിലവർധനക്കെതിരായി കോണ്ഗ്രസിന്റെ വഴിതടയല് സമരത്തിനെതിരെ രോഷാകുലനായി നടന് ജോജു ജോര്ജ്. സാധാരണക്കാരെ ബുദ്ധിമുട്ടിക്കുന്ന സമരമാണെന്ന് ജോജു ജോര്ജ് പ്രതികരിച്ചു. രണ്ട് മണിക്കൂറായി ആളുകൾ കഷ്ടപ്പെടുകയാണ്. സാധാരണക്കാരെ ബുദ്ധിമുട്ടിച്ചു കൊണ്ടുള്ള സമരം കൊണ്ട് എന്താണ് നേടുന്നതെന്നും ജോജു ചോദിച്ചു. പ്രതിഷേധത്തിന് പിന്നലെ കോൺഗ്രസ് സമരം അവസാനിപ്പിച്ചു.
 |
| വീഡിയോ കാണാന് ക്ലിക്ക് ചെയ്യു |
എറണാകുളം ജില്ലാ കോൺഗ്രസ് കമ്മിറ്റിയുടെ നേതൃത്വത്തിലാണ് രാവിലെ 11 മുതൽ ഒരു മണിക്കൂർ ഇടപ്പളളി- വൈറ്റില ബൈപ്പാസ് ഉപരോധിച്ചത്. സമരത്തെ തുടർന്ന് നൂറ് കണക്കിന് വാഹനങ്ങളാണ് വഴിയില് കുടുങ്ങിയത്. കാറുകളും മുച്ചക്രവാഹനങ്ങളും ഉപയോഗിച്ച് ബൈപ്പാസിലെ ഇടപ്പളളി മുതൽ റോഡിന്റെ ഇടതുവശമാകും ഉപരോധിച്ചത് വന് പ്രതിഷേധത്തിനാണ് ഇടയാക്കിയത്.
