പത്തനംതിട്ട: പതിനേഴുകാരിക്ക് എതിരെ ലൈംഗികാതിക്രമം നടത്തിയെന്ന പരാതിയില് വൈദികന് കസ്റ്റഡിയില്. പത്തനംതിട്ട കൂടല് ഓര്ത്തഡോക്സ് പള്ളിയിലെ വികാരി പോണ്ട്സണ് ജോണ് ആണ് പോക്സോ കേസില് പൊലീസ് പിടിയിലായത്.
പെണ്കുട്ടിയുടെ അധ്യാപികയുടെ പരാതിയുടെ അടിസ്ഥാനത്തിലാണ് പൊലീസ് നടപടി. കൗണ്സിലിംഗിന് എത്തിയ പെണ്കുട്ടിക്ക് നേരെയായിരുന്നു വൈദികന്റെ ലൈംഗികാതിക്രമം. പരാതി പ്രകാരം കേസെടുത്ത പൊലീസ് വ്യാഴാഴ്ച പുലര്ച്ചെ വീട്ടിലെത്തിയാണ് വൈദികനെ കസ്റ്റഡിയിലെടുത്തത്.
