പാലായിലും സമീപ പ്രദേശങ്ങളിലും നിങ്ങളുടെ വിശേഷാവസരങ്ങൾ HD ലൈവ് സ്ട്രീം ചെയ്യുന്നതിനായി വിളിക്കൂ.. 85901 76743
പാലാ: സെന്റ് ജോസഫ് കോളജ് ഗ്രൗണ്ടിൽ നടക്കുന്ന സംസ്ഥാന ജൂനിയർ സോഫ്റ്റ്ബാൾ ചാമ്പ്യൻഷിപ്പിൽ പെൺകുട്ടികളുടെ വിഭാഗത്തിൽ തൃശൂരും പാലക്കാടും ആൺകുട്ടികളുടെ വിഭാഗത്തിൽ കണ്ണൂരും തൃശൂരും ഫൈനലിൽ പ്രവേശിച്ചു. പെൺകുട്ടികളുടെ വിഭാഗത്തിൽ തൃശൂർ കോഴിക്കോടിനെയും (3-4)നും പാലക്കാട് കോട്ടയത്തെയും (5-4)നും പരാജയപ്പെടുത്തിയാണ് ഫൈനലിലെത്തിയത്.
ആൺകുട്ടികളുടെ വിഭാഗത്തിൽ കണ്ണൂർ തിരുവനന്തപുരത്തെയും (6-5), തൃശൂർ കോട്ടയത്തെയും (4-3)നും പരാജയപ്പെടുത്തി. ഫൈനൽ, ലൂസേഴ്സ് ഫൈനൽ മത്സരങ്ങൾ വ്യാഴാഴ്ച നടക്കും. സമാപന സമ്മേളനത്തിൽ പാലാ മുനിസിപ്പൽ ചെയർമാൻ ആന്റോ ജോസഫ് പടിഞ്ഞാറേക്കര സമ്മാനദാനം നിർവഹിക്കും.
അസോ. സംസ്ഥാന സീനിയർ വൈസ് പ്രസിഡന്റ് പ്രഫ. പി. മാത്യു, സെക്രട്ടറി അനിൽ എ. ജോൺസൺ, അമ്പയർ ബോർഡ് ചെയർമാൻ എ.കെ. വിനോദ് കുമാർ, ജില്ല വൈസ് പ്രസിഡന്റ് ബിജു ജോസഫ്, ഓർഗനൈസിങ് സെക്രട്ടറി ടെനിസൺ പി. ജോസ് തുടങ്ങിയവർ പങ്കെടുക്കും.
