രാമപുരം പഞ്ചായത്ത് പ്രസിഡന്റ് ഷൈനി സന്തോഷിന്റെ വീടിന് നേരെ കല്ലേറ്. പ്രസിഡന്റിന്റെ വെള്ളിലാപ്പിള്ളിയിലെ വീട്ടിൽ വ്യാഴാഴ്ച രാത്രിയാണ് കല്ലേറ് നടന്നത്. വീടിന്റെ ജനൽ ചില്ലുകൾ കല്ലേറിൽ തകർന്നു.
സംഭവസമയത്ത് ഷൈനിയും കുടുംബാഗങ്ങളും വീട്ടിൽ ഉണ്ടായിരുന്നു. ഷൈനിയുടെ മകൻ കല്ലെറിയുന്നത് കണ്ടിരുന്നതായി പറയുന്നു. സ്കൂട്ടർ മഴക്കോട്ട് ധരിച്ചെത്തിയ രണ്ട് പേരാണ് അക്രമത്തിനു പിന്നിലെന്നു മനു പറയുന്നു. കഴിഞ്ഞു ദിവസം നടന്ന രാമപുരം പഞ്ചായത്ത് തെരഞ്ഞെടുപ്പിൽ ഷൈനി യുഡിഎഫ് വിട്ട് എൽ ഡിഎഫിനൊപ്പം ചേർന്നിരുന്നു.
ഇടത് പിന്തുണയിലാണ് ഇപ്പോൾ പ്രസിഡന്റ് ആയിരിക്കുന്നത്. യുഡിഎഫ് വിട്ടതിലുള്ള അമർഷമാണ് അക്രമത്തിന് കാരണമെന്നാണ് ആരോപണം. പാലാ ഡിവൈഎസ്പി ഗിരീഷ് പി സാരഥി, രാമപുരം സിഐ എ എൻ രാജേഷ്, എസ്ഐ അരുൺ കുമാർ എന്നിവർ സ്ഥലത്തെത്തി മേൽ നടപടികൾ സ്വീകരിച്ചു.
