ഇടുക്കി സേനാപതിക്ക് സമീപം മാങ്ങാത്തൊട്ടിയില് നിയന്ത്രണം വിട്ട വാഹനം കിണറ്റില് വീണു. മാങ്ങാത്തൊട്ടി സ്വദേശി ചെരുവില് പ്രിന്സിന്റെ ബൊലേറോ ജീപ്പാണ് കിണറ്റില് വീണത്.
അപകടത്തില് നിന്ന് പ്രിന്സ് അത്ഭുതകരമായി രക്ഷപ്പെട്ടു. മാങ്ങാത്തൊട്ടി വില്ലേജ് ഓഫീസിന് സമീപം അലക്കുന്നേല് ഗോപിയുടെ വീട്ടുവളപ്പിലെ പത്തടിയോളം ആഴമുള്ള കിണറ്റിലാണ് തിങ്കളാഴ്ച രാത്രിയില് വാഹനം വീണത്.
ശബ്ദം കേട്ട് ഓടിയെത്തിയ പ്രദേശവാസികള് വാഹനത്തിന്റെ പുറകിലെ ചില്ല് തകര്ത്താണ് പ്രിന്സിനെ രക്ഷപ്പെടുത്തിയത്. പ്രദേശവാസികളുടെ നേതൃത്വത്തില് ഒരു മണിക്കൂര് പണിപ്പെട്ടാണ് വാഹനം കയറ്റിയത്.
