ഡല്ഹി: ദേശീയ സംഘടനയായ പോപുലര് ഫ്രണ്ട് ഓഫ് ഇന്ത്യയെ കേന്ദ്രസര്ക്കാര് നിരോധിച്ചു. നിയമവിരുദ്ധ സംഘടനയായി കേന്ദ്രം പ്രഖ്യാപിച്ചു. അഞ്ചു വര്ഷത്തെക്കാണ് നിരോധനം. പി.എഫ്.ഐക്കും അനുബന്ധ സംഘടനകള്ക്കും നിരോധനം ഏര്പ്പെടുത്തിയിട്ടുണ്ട്.
സംഘടന രാജ്യസുരക്ഷയ്ക്കും ക്രമസമാധാനത്തിനും ഭീഷണിയാണെന്ന് കേന്ദ്ര ആഭ്യന്തരമന്ത്രാലയം ചൂണ്ടിക്കാട്ടി. കഴിഞ്ഞ വ്യാഴാഴ്ച രാജ്യത്തുടനീളം പി.എഫ്.ഐ കേന്ദ്രങ്ങളിലും നേതാക്കന്മാരുടെ വീടുകളിലും എന്.ഐ.എയുടെയും ഇ.ഡിയുടെയും നേതൃത്വത്തില് വന് റെയ്ഡ് നടന്നിരുന്നു.
15 സംസ്ഥാനങ്ങളിലാണ് റെയ്ഡ് നടന്നത്. റെയ്ഡിന് പിന്നാലെ ദേശീയ നേതാക്കളടക്കം 106 പേരെയാണ് അറസ്റ്റ് ചെയ്തത്.
ക്യാംപസ് ഫ്രണ്ട്, റിഹാബ് ഇന്ത്യ ഫൗണ്ടേഷൻ, ,എൻസിഎച്ച്ആർഒ, നാഷണൽ വിമൻസ് ഫ്രണ്ട്, എംപവർ ഇന്ത്യ ഫെഡറേഷൻ തുടങ്ങിയ സംഘടനകൾക്കും നിരോധനമുണ്ട്.
