2022 ഏഷ്യാ കപ്പ് വനിതാ ട്വന്റി 20 ക്രിക്കറ്റില് മുത്തമിട്ട് ഇന്ത്യ. ഫൈനലില് ശ്രീലങ്കയെ ഏട്ട് വിക്കറ്റിനാണ് ഇന്ത്യ തകര്ത്തത്. ശ്രീലങ്ക ഉയര്ത്തിയ 66 റണ്സ് വിജയലക്ഷ്യം 8.3 ഓവറില് രണ്ട് വിക്കറ്റ് നഷ്ടത്തില് ഇന്ത്യ മറികടന്നു.
ഇന്ത്യന് വനിതകളുടെ ഏഴാം എഷ്യാകപ്പ് കിരീടമാണിത്. ആദ്യ കിരീടമെന്ന മോഹവുമായി കലാശപ്പോരിനിറങ്ങിയ ശ്രീലങ്ക നിരാശയോടെ മടങ്ങി.
സെമിഫൈനലില് ആദ്യ മത്സരത്തില് ഇന്ത്യ തായ്ലാന്ഡിനെതിരെ അനായാസ ജയം നേടിയപ്പോള് രണ്ടാം ഘട്ടത്തില് പാകിസ്താനെതിരെ വളരെ പണിപ്പെട്ടാണ് ലങ്ക കടമ്പ കടന്നത്. വെറും ഒരു റണ്സിന് ജയിച്ചാണ് ശ്രീലങ്ക ഫൈനല് ഉറപ്പാക്കിയത്.
