കേരള എൻജിഒ യൂണിയൻ കോട്ടയം ജില്ലാ കമ്മറ്റിയുടെ ആഭിമുഖ്യത്തിൽ ജില്ലാ തല കായികമത്സരങ്ങൾ പാല നഗരസഭാ സ്റ്റേഡിയത്തിൽ നടന്നു.മുനിസിപ്പൽ ചെയർമാൻ ആന്റോ ജോസ് പടിഞ്ഞാറെക്കര ഉദ്ഘാടനം ചെയ്തു.
പുരുഷ വനിതാ വിഭാഗങ്ങളിലായി ഓട്ടം നടത്തം, ജംപിംഗ്, ത്രോ, റിലേ തുടങ്ങിയ ഇനങ്ങളിലാണ് മത്സരങ്ങൾ നടന്നത്. വിജയികൾ ജനുവരി 8 ന് പാലക്കാട് നടക്കുന്ന സംസ്ഥാന തല കായിക മേളയിൽ, പങ്കെടുക്കും.
കേരള എൻജിഒ യൂണിയൻ രൂപം കൊണ്ടതിന്റെ അറുപത് വർഷം പൂർത്തീകരിച്ചതിന്റെ ആഘോഷത്തിന്റെ ഭാഗമായിട്ടാണ് സർക്കാർ ജീവനക്കാരുടെ കലാകായിക അഭിരുചികളെ പ്രോസാഹിപ്പിക്കുക എന്ന ലക്ഷ്യത്തോടു കൂടി മത്സരങ്ങൾ സംഘടിപ്പിച്ചത്.
എൻജിഒ യൂണിയൻ ജില്ലാ പ്രസിഡന്റ് എംഎൻ അനിൽകുമാറിന്റെ അധ്യക്ഷതയിൽ എൻജിഒ യൂണിയൻ ജില്ലാ സെക്രട്ടറി കെ ആർ അനിൽകുമാർ സ്വാഗതം ആശംസിച്ചു. എൻജിഒ സംസ്ഥാന സെക്രട്ടറിയേറ്റ് അംഗങ്ങളായ സീമ. എസ്.നായർ, വികെ ഉദയൻ, ടി ഷാജി എന്നിവർ മുഖ്യപ്രഭാഷണം നടത്തി. തീക്കതിർ കലാവേദി കൺവീനർ എസ്. അനൂപ് കൃതജ്ഞത രേഖപ്പെടുത്തി.
