തിരുവനന്തപുരം: ഇനി മുതല് ക്യൂ നില്ക്കാതെ വീട്ടിലിരുന്ന് ആശുപത്രി അപ്പോയ്മെന്റെടുക്കാം, 509 ആശുപത്രികളില് ഇ ഹെല്ത്ത് സംവിധാനം സജ്ജമായതായി മന്ത്രി വീണാ ജോര്ജ് അറിയിച്ചു.
മെഡിക്കല് കോളേജുകളും അനുബന്ധ ആശുപത്രികളും കൂടാതെ 16 ജില്ല, ജനറല് ആശുപത്രികള്, 73 താലൂക്ക് ആശുപത്രികള്, 25 സാമൂഹികാരോഗ്യ കേന്ദ്രങ്ങള്, 380 പ്രാഥമികാരോഗ്യ/കുടുംബാരോഗ്യ കേന്ദ്രങ്ങള്, 1 പബ്ലിക് ഹെല്ത്ത് ലാബ് എന്നിവിടങ്ങളിലാണ് ഇ ഹെല്ത്ത് നടപ്പിലാക്കിയത്.
കോട്ടയം ജില്ലയിലെ ഹയർ സെക്കൻഡറി സീറ്റുകളിൽ മാർജിനിൽ ഇൻക്രീസ് നൽകി കുട്ടികൾക്ക് ഉപരിപഠന സൗകര്യമൊരുക്കണമെന്ന് കേരള കോൺഗ്രസ് (എം)
ഘട്ടം ഘട്ടമായി സംസ്ഥാനത്തെ മുഴുവന് സര്ക്കാര് ആശുപത്രികളിലും ഇ ഹെല്ത്ത് സംവിധാനം ഏര്പ്പെടുത്തുകയാണ് ലക്ഷ്യമെന്നും മന്ത്രി പറഞ്ഞു.
ഒരാള് ആശുപത്രിയിലെത്തി മടങ്ങുന്നതുവരെ എല്ലാ ആരോഗ്യ സേവനങ്ങളും ഇ ഹെല്ത്ത് സംവിധാനത്തിലൂടെ ഒരൊറ്റ കുടക്കീഴില് ഓണ്ലൈന് വഴി ചെയ്യാന് കഴിയുന്നു. ഈ പദ്ധതിയിലൂടെ ഓണ്ലൈനായി വീട്ടിലിരുന്ന് തന്നെ ഒ. പി ടിക്കറ്റും ആശുപത്രി അപ്പോയ്മെന്റെടുക്കാനും സാധിക്കും.
ഇ ഹെല്ത്ത് വഴി ഇതുവരെ 3.04 കോടി രജിസ്ട്രേഷനുകള് നടന്നിട്ടുണ്ട്. 32.40 ലക്ഷം (10.64 ശതമാനം) പെര്മെനന്റ് യു.എച്ച്.ഐ.ഡി രജിസ്ട്രേഷനും 2.72 കോടി (89.36 ശതമാനം) താത്കാലിക രജിസ്ട്രേഷനും നടത്തിയിട്ടുണ്ട്. ഓണ്ലൈന് വഴി ഒരു ലക്ഷത്തോളം പേര് അഡ്വാന്സ്ഡ് അപ്പോയ്മെന്റ് എടുത്തിട്ടുണ്ട്.
