ആധാർ കാർഡും വോട്ടർ ഐഡിയും ബന്ധിപ്പിക്കുന്നതിനുള്ള സമയപരിധി കേന്ദ്ര സർക്കാർ ഒരു വർഷത്തേക്ക് കൂടി നീട്ടി. 2024 മാർച്ച് 31 ആണ് ആധാറും വോട്ടർ ഐഡിയും ബന്ധിപ്പിക്കുന്നതിനുള്ള പുതുക്കിയ സമയപരിധി. നേരത്തെ നൽകിയ സമയപരിധി ഈ വർഷം ഏപ്രിൽ ഒന്ന് വരെയായിരുന്നു.
ഒരേ വ്യക്തി ഒന്നിലധികം മണ്ഡലങ്ങളിലോ ഒരേ മണ്ഡലത്തിലോ വോട്ടർ പട്ടികയിൽ വരുന്നത് തടയുന്നതിനാണ് പ്രധാനമായും ആധാറും വോട്ടർഐഡിയും ബന്ധിപ്പിക്കുന്നത്. ഇതിലൂടെ കള്ളവോട്ട് തടയാനാകുമെന്നും തിരഞ്ഞെടുപ്പ് കമ്മീഷൻ കരുതുന്നു.
