പാലാ നഗരസഭയുടെയും ശുചിത്വമിഷന്റെയും സംയുക്താഭിമുഖ്യത്തിൽ ശുചിത്വ മാലിന്യ സംസ്കരണം സംബന്ധിച്ച ഏകദിന പരിശീലന പരിപാടി പുത്തെട്ട് ആർക്കേഡിലെ ഐ മി ബാക്വിറ്റു ഹാളിൽ നടന്നു. നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർമാൻ ഷാജു വി.തുരുത്തൻ അധ്യക്ഷനായിരുന്നു.
നഗരസഭ ചെയർപേഴ്സൺ ജോസിൻ ബിനോ യോഗം ഉദ്ഘാടനം ചെയ്തു.
തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ ബിനു ജോൺ 'മഴക്കാലപൂർവ്വ വലിച്ചെറിയൽ മുക്ത ക്യാമ്പയിൻ ഹൈക്കോടതി ഉത്തരവ് നടപ്പിലാക്കൽ' സംബന്ധിച്ചു വിഷയാവതരണം നടത്തി.
സാജിയോ ജോസഫ്, ശുചിത്വ മിഷൻ ടെക്നിക്കൽ കൺസൾട്ടന്റ്, പ്രോഗ്രാം ഓഫീസർ നോബിൾ സേവ്യർ, ഹരിത കേരള മിഷൻ മാനേജർ അനിൽകുമാർ എന്നിവർ ക്ലാസുകൾ നയിച്ചു.
കൗൺസിലർമാരായ അഡ്വ. ബിനു പുളിക്കകണ്ടം, പ്രൊഫസർ സതീശ് ചൊള്ളാനി, വി.സി പ്രിൻസ്, ജിമ്മി ജോസഫ്, മായാ രാഹുൽ, ആനി ബിജോയ്, ഷീബ ജിയോ, ലിസി കുട്ടി മാത്യു, സിജി ടോണി, സെക്രട്ടറി ജൂഹി മരിയ ടോം, ഹെൽത്ത് സൂപ്പർവൈസർ സതീഷ് കുമാർ, ഹെൽത്ത് ഇൻസ്പെക്ടർമാരായ അനീഷ്, ഉമേഷിത, ശുചിത്വ മിഷൻ റിസോഴ്സ് പേഴ്സൺ ഡോ. ഗീതാദേവി, കൗൺസിൽ ക്ലാർക്ക് ബിജോയ് മണർകാട്ട്, പ്ലാൻ ക്ലാർക്ക് വി. കെ ലത എന്നിവർ ആശംസകൾ അറിയിച്ചു.
