കുറവിലങ്ങാട്: എംസി റോഡിൽ മോനിപ്പിള്ളി മുതൽ പുതുവേലി ചോരക്കുഴി പാലം വരെയുള്ള ഭാഗങ്ങളിൽ പൊതുമരാമത്ത് വകുപ്പ് നടത്തിവരുന്ന മെയിന്റനൻസ് (സെറിസിൽ വർക്ക്) ഇരുചക്ര വാഹന യാത്രക്കാർക്ക് ഭീഷണിണിയാകുന്നതായി വ്യാപക പരാതി.
ഈ ഭാഗങ്ങളിൽ നിലവിലെ ടാറിങ്ങിന് മുകളിൽ ടാറും പ്ലാസ്റ്റിക്കും ചേർന്ന പുതിയ മിശ്രീതം ഒഴിക്കുകയാണ് ചെയ്തിട്ടുള്ളത്. റോഡിൽ ഈ ഭാഗത്ത് എത്തുന്ന ഇരുചക്ര വാഹനങ്ങൾ തെന്നിവീഴുക പതിവാണ്.
ദിനംപ്രതി നിരവധി വാഹനങ്ങൾ ആണ് ഇവിടെ അപകടത്തിൽപ്പെടുന്നത്. സെറിസിൽ ടാറിംഗ് ജോലി ചെയ്തതിലുള്ള സാങ്കേതിക പിഴവാണ് നിത്യേനയുള്ള അപകടകാരണമായി പറയുന്നത്.
