തിരുവനന്തപുരം: എസ്.എസ്.എല്.സി പരീക്ഷയില് മുഴുവന് വിഷയങ്ങളിലും എപ്ലസ് നേടിയ സന്തോഷവാര്ത്തയറിയാന് സാരംഗില്ല. വിദ്യാഭ്യാസവകുപ്പ് വി.ശിവന്കുട്ടിയാണ് സാരംഗിന്റെ ഫലം പ്രഖ്യാപിച്ചത്.
ആശുപത്രിയില്പ്പോയി മടങ്ങവേ ഓട്ടോറിക്ഷ മറിഞ്ഞ് സാരംഗ് മരണത്തിന് കീഴടങ്ങിയിട്ട് മണിക്കൂറുകള് പിന്നിടുമ്പോഴാണ് കാത്തിരുന്ന പരീക്ഷാഫലം വന്നത്. ആറ്റിങ്ങല് ഗവ. ബി.എച്ച്.എസ്.എസിലായിരുന്നു സാരംഗ് പരീക്ഷയെഴുതിയത്.
കല്ലമ്പലം-നഗരൂര് റോഡില് വടകോട്ട് കാവിന് സമീപം 13-ന് വൈകീട്ട് 3.30 ഓടെയാണ് അപകടം. മറ്റൊരു വാഹനത്തിന് സൈഡ് കൊടുക്കുമ്പോള് നിയന്ത്രണംവിട്ട ഓട്ടോറിക്ഷ വൈദ്യുതത്തൂണിലിടിച്ച് റോഡില് മറിയുകയായിരുന്നു.
ഓട്ടോറിക്ഷയ്ക്കുള്ളില് നിന്ന് തെറിച്ച് റോഡില്വീണ് തലയ്ക്ക് ഗുരുതരമായി പരിക്കേറ്റ സാരംഗ് തിരുവനന്തപുരത്തെ സ്വകാര്യാശുപത്രിയില് ചികിത്സിയിലായിരുന്നു. ബുധനാഴ്ചയോടെയാണ് മസ്തിഷ്ക മരണം സ്ഥിരീകരിച്ചത്. ബുധനാഴ്ച മസ്തിഷ്കമരണം സ്ഥിരീകരിച്ച സാരംഗിന്റെ അവയവങ്ങള് ബന്ധുക്കള് മൃതസഞ്ജീവനി വഴി ദാനം ചെയ്യുകയായിരുന്നു.
