തീക്കോയി മാർമ്മല അരുവിൽ ഒഴുക്കിൽപ്പെട്ട് വിദ്യാർത്ഥി മരിച്ചു. ഈരാറ്റുപേട്ടയിൽ നിന്നും ഫയർഫോഴ്സും മറ്റുള്ളവരും തിരച്ചിൽ നടത്തിയാണ് മൃതദേഹം കണ്ടെടുത്തത്. ബാംഗ്ലൂരിൽ നിന്നും വാഗമണ്ണിന് പോകാനെത്തിയ സംഘത്തിൽപ്പെട്ട യുവാവാണ് മുങ്ങിമരിച്ചത്.
ബാംഗ്ലൂർ ബിറ്റിഎം ലേ ഔട്ട് 844 ൽ അഷ്ലേഷ് (19) ആണ് മരിച്ചത്. ബാംഗ്ലൂർ പിഇസ് കോളജ് വിദ്യാർത്ഥികളാണ് അഷ്ലേഷും ഒപ്പമുണ്ടായിരുന്നവരും 5 പേരാണ് സംഘത്തിൽ ഉണ്ടായിരുന്നതെന്നാണ് വിവരം.
വാഗമൺ സന്ദർശിച്ച ശേഷം തിരികെ പോകുംവഴിയാണ് സംഘം മാർമല അരുവിയിൽ എത്തിയത്. മൃതദേഹം ഈരാറ്റുപേട്ടയിലെ സ്വകാര്യ ആശുപത്രിയിലേയ്ക്ക് കൊണ്ടുപോയി.
