പാലാ നഗരസഭ ട്രാഫിക് കമ്മിറ്റിയുടെ അടിയന്തിരയോഗം ചെയർ പേഴ്സന്റെ ചേമ്പറിൽ ആരംഭിച്ചു. ഉച്ചക്ക് 12.15 ന് ആരംഭിച്ച യോഗത്തിൽ പാലാ നഗരസഭ ചെയർപേഴ്സൺ ജോസിൻ ബിനോ, ഗതാഗത വകുപ്പ്, പോലീസ്, ആർഡിഒ പ്രതിനിധികൾ പങ്കെടുക്കുന്നു. പാലാ നഗരത്തിലെ ബസ് സ്റ്റോപ്പുകൾ, കംഫർട്ട് സ്റ്റേഷനുകൾ , കൊട്ടാരമറ്റം ബസ് സ്റ്റാൻഡ്, പാലാ ബൈപ്പാസ് , പാർക്കിങ് എന്നീ വിഷയങ്ങൾ ചർച്ചയായി.
ഇന്റർ സ്റ്റേറ്റ് ബസുകൾക്ക് പാലാ ടൗൺ ഒഴിവാക്കി പാലാ ബൈപ്പാസിൽ സ്റ്റോപ്പ് അനുവദിക്കുന്നതിനെക്കുറിച്ചും ചർച്ച നടക്കുന്നു. പൊൻകുന്നം പാലത്തിൽ റിവർ വ്യൂ റോഡിലൂടെ പോകുന്ന വാഹനങ്ങൾ തട്ടുന്നത് ഒഴിവാക്കാൻ ടൗൺ ഹാളിന് പിന്നിലെ ക്രോസ് ബാർ ഉയർത്തി മാറ്റി സ്ഥാപിക്കാനും പദ്ധതിയുണ്ട്.
എന്നാൽ പി ഡബ്ല്യു ഡി അധികൃതരെ ചർച്ചക്ക് രേഖാമൂലം ക്ഷണിച്ചിരുന്നെങ്കിലും യോഗത്തിൽ പങ്കെടുക്കാനെത്തിയില്ല. ചർച്ചയുടെ തീരുമാനങ്ങൾ ഉച്ചക്ക് ശേഷം പുറത്തുവിടും.
