കോട്ടയം ജില്ലയിലെ പടിഞ്ഞാറൻ മേഖലകളിലെ ദുരിതാശ്വാസ ക്യാമ്പുകൾ സന്ദർശിച്ച് സഹകരണ രജിസ്ട്രേഷൻ വകുപ്പ് മന്ത്രി വി.എൻ വാസവൻ തിരുവാർപ്പ് എസ്എൻഡിപി എച്ച്.എസ്.എസ് സ്കൂളിലെ ദുരിതാശ്വാസ ക്യാമ്പും അയ്മനം പ്രദേശത്തെ ക്യാമ്പും ചെങ്ങളം സ്കൂളിലെ ക്യാമ്പുമാണ് മന്ത്രി സന്ദർശിച്ചത്.
മഴ കനക്കുമ്പോള് പകര്ച്ചവ്യാധികള്ക്കെതിരെ കരുതലെടുക്കുക; ജാഗ്രതാ നിര്ദേശവുമായി ആരോഗ്യ വകുപ്പ്
സംസ്ഥാനത്ത് ശക്തമായ മഴ തുടരുന്ന സാഹചര്യത്തില് എല്ലാ ജില്ലകള്ക്കും ആരോഗ്യ വകുപ്പ് ജാഗ്രതാ നിര്ദേശം നല്കി. പകര്ച്ചപ്പനികള് തുടരുന്ന സാഹചര്യത്തില് എല്ലാ ജില്ലകളും പ്രത്യേകം ശ്രദ്ധിക്കണം. പകര്ച്ചപ്പനി വ്യാപനം ഉണ്ടാകാതിരിക്കാന് ദുരിതാശ്വാസ ക്യാംപുകളിലുള്പ്പെടെ പ്രത്യേകം ജാഗ്രത പുലര്ത്തേണ്ടതാണ്.
വെള്ളം കയറുന്ന ആരോഗ്യ സ്ഥാപനങ്ങള് ആവശ്യമായ ബദല് ക്രമീകരണം ഒരുക്കണം. മതിയായ ചികിത്സ ലഭ്യമാക്കാനും മരുന്നുകളുടെ ലഭ്യത ഉറപ്പാക്കാനും എല്ലാ ആശുപത്രികളും ജാഗ്രത പുലര്ത്താനും നിര്ദേശം നല്കി.
