മുംബൈ: സീരിയല് ചിത്രീകരണത്തിനിടെ പുലിയിറങ്ങി. മുംബൈ ഗോരേഗാവിലെ ഫിലിം സിറ്റിയില് മറാത്തി സീരിയലിന്റെ ചിത്രീകരണത്തിനിടെയാണ് പുലിയും കുട്ടിയും ഇറങ്ങിയത്. 200-ലധികം ആളുകള് സെറ്റിലുണ്ടായിരുന്നതായാണ് വിവരം.
ഫിലിം സിറ്റിയില് പുലിയുള്പ്പടെയുള്ള വന്യമൃഗങ്ങളിറങ്ങുന്നത് പതിവാണെന്നും പലതവണ പരാതിപ്പെട്ടിട്ടും സുരക്ഷാക്രമീകരണങ്ങളൊരുക്കാന് സര്ക്കാര് തയ്യാറാവുന്നില്ലെന്നും ഓള് ഇന്ത്യന് സിനി വര്ക്കേഴ്സ് അസോസിയേഷന് പ്രസിഡന്റ് സുരേഷ് ശ്യാമള ഗുപ്ത കുറ്റപ്പെടുത്തി. ഇതില് പ്രതിഷേധിച്ച് നൂറോളം ജീവനക്കാര് സമരത്തിലാണെന്നും ചിത്രീകരണം അനിശ്ചിതത്വത്തിലാണെന്നും സുരേഷ് പറഞ്ഞു.
കുറച്ചു ദിവസങ്ങള്ക്ക് മുമ്പും സെറ്റില് കയറിയ പുലി തെരുവ് നായയെ ആക്രമിച്ചിരുന്നു. ഇത്തരം വന്യജീവി ആക്രമണങ്ങള് തടയാന് വനംവകുപ്പും സര്ക്കാരും നടപടി സ്വീകരിക്കണമെന്നാണ് ഇവരുടെ ആവശ്യം.
