പാലാ: ഫെഡറൽ ബാങ്കിന്റെ ഫൗണ്ടർ ഹോർമിസ് കെ പിയുടെ 106 ആം ജന്മവാർഷികത്തോട് അനുബന്ധിച്ചു ഫെഡറൽ ബാങ്കിന്റെയും പാലാ ബ്ലഡ് ഫോറത്തിന്റെയും സംയുക്ത ആഭിമുഖ്യത്തിൽ സന്നദ്ധ രക്തദാന ക്യാമ്പ് നടത്തി. ഫെഡറൽ ബാങ്കിന്റെ പാലാ റീജിയണിലെ അൻപതോളം ജീവനക്കാർ രക്തദാനത്തിൽ പങ്കാളികളായി.
പാലാ ശാഖ മാനേജർ ആൽവിൻ സെബാസ്റ്റ്യൻ ജോർജിന്റെ അദ്ധ്യക്ഷതയിൽ ചേർന്ന സമ്മേളനത്തിൽ ഫെഡറൽ ബാങ്കിന്റെ പാലാ റീജിയണൽ ഹെഡ് ആൻഡ് ഡെപ്യൂട്ടി വൈസ് പ്രസിഡന്റ് ജയമോൾ പിജി ക്യാമ്പ് ഉദ്ഘാടനം ചെയ്തു.
പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം മുഖ്യപ്രഭാഷണം നടത്തി. കൊട്ടാരമറ്റം ശാഖ മാനേജർ അൽഫോൻസ് ടോം തോമസ്, രാമപുരം ശാഖ മാനേജർ അതുൽ ആഗ്സ്റ്റിൻ, കുറവിലങ്ങാട് ശാഖ മാനേജർ സുവൽസ് എസ്, മണിമല ശാഖ മാനേജർ അർജുൻ ജോസ് തുടങ്ങിയവർ സംസാരിച്ചു.
ലയൺസ് - എസ് എച്ച് മെഡിക്കൽ സെന്റർ ബ്ലഡ് ബാങ്ക് കോട്ടയം ആണ് ക്യാമ്പ് നയിച്ചത്.
