കടുത്തുരുത്തി: വൈക്കം മുതൽ പാലാ വരെയുള്ള റെയിൽവേ പാസഞ്ചേഴ്സിന് വളരെ ഉപകാരപ്രദമായ വൈക്കം റോഡ് റെയിൽവേ സ്റ്റേഷനിൽ വേണാട്, പരശുറാം, ശബരി തുടങ്ങിയ എക്സ്പ്രസ് ട്രെയിനുകൾക്ക് സ്റ്റോപ്പ് അനുവദിക്കണമെന്ന് ജനാധിപത്യ കേരളാ കോൺഗ്രസ് കടുത്തുരുത്തി നിയോജക മണ്ഡലം കമ്മറ്റി അധികാരികളോട് ആവശ്യപെട്ടു.
വൈക്കം, കുറവിലങ്ങാട്, പാലാ തുടങ്ങിയ സ്ഥലങ്ങളുടെ എറ്റവും അടുത്ത മെയിൻ റോഡിനോട് ചേർന്നുള്ള സ്റ്റോപ്പാണ് വൈെക്കം റോഡ്. കൂടാതെ വൈക്കം, കടുത്തുരുത്തി തളിയിൽ ക്ഷേത്രം, മള്ളിയൂർ ക്ഷേത്രം, കുറവിലങ്ങാട് പള്ളി, കടുത്തുരുത്തി പള്ളി തുടങ്ങിയ തീർത്ഥാടക കേന്ദ്രങ്ങളുടെ ഏറ്റവും അടുത്ത സ്റ്റോപ്പുകൂടിയാണ് വൈക്കം റോഡ് റെയിൽവേ സ്റ്റേഷൻ.
യോഗത്തിൽ ജനാധിപത്യ കേരളാ കോൺഗ്രസ് നിയോജക മണ്ഡലം പ്രസിഡന്റ് സന്തോഷ് കുഴിവേലിൽ അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറിമാരായ ഫ്രാൻസീസ് തോമസ്, ജയിംസ് കുര്യൻ ജില്ലാ പ്രസിഡന്റ് മാത്യൂസ് ജോർജ്, രാഖി സഖറിയ, പ്രൊഫ:അഗസ്റ്റ്യൻ ചിറയിൽ, ജോർജ് മരങ്ങോലി, പാപ്പച്ചൻ വാഴയിൽ, അനിൽ കാട്ടാത്തുവാലയിൽ, സി.കെ.ബാബു ചിത്രാഞ്ജലി, സൈജു പാറശേരിമാക്കിൽ, തോമസ് പോൾ തുടങ്ങിയവർ പ്രസംഗിച്ചു.
