കര്ക്കടക മാസത്തിലെ കറുത്തവാവ് ദിനത്തിലാണ് കർക്കടക വാവ് ബലി ആചരിക്കുന്നത്. ഈ ദിവസം ബലിയിട്ടാല് പിതൃക്കള്ക്ക് ആത്മശാന്തി ലഭിക്കുമെന്നാണ് വിശ്വാസം. പിതൃക്കള്ക്ക് പ്രാധാന്യമുള്ള ദക്ഷിണായനത്തിലെ ആദ്യത്തെ അമാവാസിയാണ് കര്ക്കിടകത്തിലേത്. അതുകൊണ്ടാണ് കര്ക്കിടക വാവുബലി പ്രാധാന്യമുള്ളതായി കരുതുന്നത്.
തീക്കോയി ആച്ചുക്കാവ് ദേവീ മഹേശ്വര ക്ഷേത്രത്തിൽ കർക്കിടക വാവ് ബലി തർപ്പണം നടന്നു. നൂറുകണക്കിന് വിശ്വാസികൾ പിതൃക്കൾക്ക് ബലിയർപ്പിച്ചു. ക്ഷേത്രം മേൽശാന്തി ബിനോയ് ശാന്തി മുഖ്യ കാർമ്മികനായിരുന്നു.
എസ് എൻ ഡി പി 2148 നമ്പർ ശാഖ പ്രസിഡൻ്റ് ദീപേഷ് പറയംചാലിൽ, വൈസ് പ്രസിഡന്റ് മനോജ് ഓലേടത്ത്, സെക്രട്ടറി രവി പുലിയള്ളുംപുറത്ത്, മറ്റു കമ്മിറ്റിക്കാർ എന്നിവരുടെ നേതൃത്വത്തിൽ ചടങ്ങുകൾ നടന്നു.
ഈ ലോകത്ത് എന്റെ അച്ഛന്റെയും അമ്മയുടെയും വംശത്തില് ജനിച്ചവരും, ഞാനുമായി നേരിട്ടും അല്ലാതെയും ബന്ധമുള്ളവര്ക്കായും, എന്റെ കഴിഞ്ഞ രണ്ടു ജന്മങ്ങളിലായി എന്റെ ദാസന്മാര് ആയവര്ക്കായും, എന്നെ ആശ്രയിച്ചവര്ക്കും, എന്നെ സഹായിച്ചവര്ക്കും, എന്റെ സുഹൃത്തുക്കള്ക്കും, ഞാനുമായി സഹകരിച്ചവര്ക്കും, ഞാന് ആശ്രയിച്ച സമസ്ത ജീവജാലങ്ങള്ക്കും, ജന്തുക്കള്ക്കും, നേരിട്ടും അല്ലാതെയും എന്നെ സഹായിച്ച എല്ലാവര്ക്കും, കഴിഞ്ഞ പല ജന്മങ്ങളായി ഞാനുമായി സഹകരിച്ച എല്ലാവര്ക്കും വേണ്ടി ഞാന് ഈ അന്നവും, പുഷ്പവും, ജലവും, പ്രാര്ഥനയും സമര്പ്പിക്കുന്നു..!!
എന്റെ അമ്മയുടെ കുലത്തില് നിന്ന് വേര്പെട്ടുപോയ എല്ലാവർക്കും, എന്റെ അച്ഛന്റെ, ഗുരുവിന്റെ, ബന്ധുക്കളുടെ കുലത്തില് നിന്ന് വേര്പെട്ടു പോയ എല്ലാവർക്കും, കഴിഞ്ഞ കാലത്തില് പിണ്ഡസമർപ്പണം സ്വീകരിക്കാന് കഴിയാതിരുന്ന എല്ലാവർക്കും മക്കളോ, ഭാര്യയോ, ഭര്ത്താവോ ഇല്ലാത്തത് കാരണം വിഷമിക്കേണ്ടി വന്ന എല്ലാവർക്കും, പലവിധ കാരണങ്ങളാല് മറ്റുള്ളവര്ക്ക് വേണ്ടി നല്ലത് ചെയ്യുവാന് സാധിക്കാതിരുന്ന എല്ലാവർക്കും, പട്ടിണിയില് ജനിക്കുകയും ജീവിക്കുകയും മരിക്കുകയും ചെയ്ത എല്ലാവർക്കും വേണ്ടിയും, അടുക്കാന് പറ്റാത്തവര്ക്ക് വേണ്ടിയും, ആയുസ്സെത്താതെ മരിച്ചവര്ക്ക് വേണ്ടിയും, ഈ ലോകം കാണാനാകാതെ അമ്മയുടെ ഗര്ഭപാത്രത്തില് തന്നെ മരിച്ചവര്ക്ക് വേണ്ടിയും, എന്റെ അറിവില് പെട്ടതും, അറിയപ്പെടാത്തതുമായ ബന്ധുക്കള്ക്കും വേണ്ടിയും, ഇവര്ക്കെല്ലാം വേണ്ടിയും, ഞാന് ഈ പ്രാര്ഥനയും, അന്നവും, ജലവും പുഷ്പവും സമര്പിക്കുന്നു..!! ഇതാണ് ബലി തർപ്പണ വേളയിൽ ഉരുവിടുന്ന മന്ത്രത്തിൻ്റെ സാരാംശം.
