തിരുവനന്തപുരം: സംസ്ഥാനത്ത് ഇന്ന് 53 പേര്ക്കുകൂടി കോവിഡ് ബാധ സ്ഥിരീകരിച്ചു. തിരുവനന്തപുരം, കണ്ണൂര് ജില്ലകളില് 12 പേര്, മലപ്പുറം, കാസര്ഗോഡ് ജില്ലകളില് അഞ്ചുപേര്, ആലപ്പുഴ, എറണാകുളം, പാലക്കാട് ജില്ലകളില് നാലു പേര്, കൊല്ലം ജില്ലയില് മൂന്നു പേര്, പത്തനംതിട്ട ജില്ലയില് രണ്ടു പേര്, കോഴിക്കോട് ജില്ലയില് ഒരാള് എന്നിങ്ങനെയാണ് രോഗബാധിതരുടെ ജില്ല തിരിച്ചുള്ള കണക്ക്. ഒരു തമിഴ്നാട് സ്വദേശിക്കും രോഗം സ്ഥിരീകരിച്ചു.
18 പേര് വിദേശത്തുനിന്നും (ഒമാന്-3, യുഎഇ-11, സൗദി അറേബ്യ-3, കുവൈറ്റ്-1) 29 പേര് മറ്റ് സംസ്ഥാനങ്ങളില്നിന്നും (മഹാരാഷ്ട്ര-19, ഗുജറാത്ത്-5, തമിഴ്നാട്-3, ഡല്ഹി-1, മധ്യപ്രദേശ്-1) വന്നതാണ്. അഞ്ചു പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇതില് ഒരാള് പാലക്കാട് ജില്ലയിലുള്ള ആരോഗ്യ പ്രവര്ത്തകയാണ്.
അതേസമയം രോഗം സ്ഥിരികരിച്ച് ചികിത്സയിലായിരുന്ന അഞ്ചു പേരുടെ പരിശോധനാഫലം നെഗറ്റീവായി. വയനാട് ജില്ലയില് നിന്നുള്ള മൂന്നു പേരുടെയും കാസര്ഗോഡ് ജില്ലയില് നിന്നുള്ള രണ്ടു പേരുടെയും പരിശോധനാ ഫലമാണ് നെഗറ്റീവായത്. ഇതോടെ 322 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. കേരളത്തില് ഇതുവരെ 520 പേരാണ് കോവിഡില് നിന്നു മുക്തി നേടിയത്.
