തിരുവനന്തപുരം: സംസ്ഥാനത്ത് ഇന്ന് 79 പേര്ക്ക് കോവിഡ് സ്ഥിരീകരിച്ചു. മലപ്പുറത്തു നിന്നുള്ള 15 പേര്ക്കും, എറണാകുളത്തുനിന്നുള്ള 13 പേര്ക്കും, ആലപ്പുഴ, തൃശൂര്, കണ്ണൂര് ജില്ലകളില് നിന്നുള്ള ഏഴ് പേര്ക്ക് വീതവും, പത്തനംതിട്ട, പാലക്കാട് ജില്ലകളില് നിന്നുള്ള ആറ് പേര്ക്ക് വീതവും, തിരുവനന്തപുരം, കൊല്ലം, കോട്ടയം, കോഴിക്കോട് ജില്ലകളില് നിന്നുള്ള നാല് പേര്ക്ക് വീതവും, കാസര്ഗോഡ് നിന്നുള്ള രണ്ട് പേര്ക്കുമാണ് രോഗം സ്ഥിരീകരിച്ചത്. 60 പേരുടെ പരിശോധനാഫലം നെഗറ്റീവ് ആയി.
രോഗം സ്ഥിരീകരിച്ചവരില് 47 പേര് വിദേശ രാജ്യങ്ങളില് നിന്നും (കുവൈറ്റ്-23, യുഎഇ-12, ഖത്തര്-അഞ്ച്, ഒമാന്-മൂന്ന്, സൗദി-രണ്ട്, ബഹറിന്-ഒന്ന്, തജിക്കിസ്ഥാന്-ഒന്ന്) 26 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-13, തമിഴ്നാട്-അഞ്ച്, ഡല്ഹി-മൂന്ന്, പശ്ചിമ ബംഗാള്-രണ്ട്, കര്ണാടക-ഒന്ന്, ഗുജറാത്ത്-ഒന്ന്, ഒഡീഷ-ഒന്ന്) വന്നതാണ്.
അഞ്ച് പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. തിരുവനന്തപുരത്തെ രണ്ട് പേര്ക്കും മലപ്പുറം, കണ്ണൂര്, പാലക്കാട് ജില്ലകളിലെ ഓരോരുത്തര്ക്കുമാണ് സമ്പര്ക്കത്തിലൂടെ രോഗം ബാധിച്ചത്. ഇതുകൂടാതെ പത്തനംതിട്ടയിലെ ആരോഗ്യ പ്രവര്ത്തകയ്ക്കും രോഗം ബാധിച്ചു.
ചികിത്സയിലായിരുന്ന 60 പേരുടെ പരിശോധനാഫലം നെഗറ്റീവ് ആയി. തിരുവനന്തപുരത്തു നിന്നുള്ള 14 പേരുടെയും (ഒരു കൊല്ലം സ്വദേശി), പാലക്കാട് നിന്നുള്ള ഒന്പത് പേരുടെയും, കാസര്ഗോഡ് നിന്നുള്ള എട്ട് പേരുടെയും, മലപ്പുറത്തു (ഒരു തിരുവനന്തപുരം സ്വദേശി) നിന്നുള്ള ഏഴ് പേരുടെയും, ആലപ്പുഴ, വയനാട് ജില്ലകളില് നിന്നുള്ള അഞ്ച് പേരുടെ വീതവും, കോട്ടയത്ത് (ഒരു പത്തനംതിട്ട സ്വദേശി) നാല് പേരുടെയും, പത്തനംതിട്ട, തൃശൂര് ജില്ലകളില് നിന്നുള്ള മൂന്ന് പേരുടെ വീതവും, എറണാകുളം, കണ്ണൂര് ജില്ലയില് നിന്നുള്ള ഒരാളുടെയും പരിശോധനാഫലമാണ് നെഗറ്റീവ് ആയത്.
1366 പേരാണ് രോഗം സ്ഥിരീകരിച്ച് നിലവില് ചികിത്സയിലുള്ളത്. 1,234 പേര് ഇതുവരെ രോഗമുക്തി നേടി. സംസ്ഥാനത്തെ വിവിധ ജില്ലകളിലായി 1,22,143 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,20,157 പേര് വീട്/സ്ഥാപന ക്വാറന്റൈനിലും 1986 പേര് ആശുപത്രികളിലും നിരീക്ഷണത്തിലാണ്. 210 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 4003 സാമ്പിളുകളാണ് പരിശോധിച്ചത്. ഇതുവരെ 1,18,893 വ്യക്തികളുടെ (സ്വകാര്യ ലാബിലെ സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്.ഇതില് 4081 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 32,534 സാമ്പിളുകള് ശേഖരിച്ചതില് 31,093 സാമ്പിളുകള് നെഗറ്റീവ് ആയി.
റുട്ടീന് സാമ്പിള്, ഓഗ്മെന്റഡ് സാമ്പിള്, സെന്റിനല് സാമ്പിള്, പൂള്ഡ് സെന്റിനില്, സിബി നാറ്റ്, ട്രൂ നാറ്റ് എന്നിവ ഉള്പ്പെടെ ആകെ 1,57,117 സാമ്പിളുകളാണ് പരിശോധനയ്ക്കായി അയച്ചത്.
