സ്മാർട്ട്ഫോൺ, സ്മാർട്ട് TV എന്നിവ വിപണിയിലെത്തിച്ച് ഇന്ത്യയിലെ വമ്പൻ ബ്രാൻഡായി മാറിയ ഷവോമി ഈ ഫെബ്രുവരിയിൽ ഇലക്ട്രിക്ക് ടൂത്ത് ബ്രഷും അവതരിപ്പിച്ചു. T300 എന്ന പേരിൽ പുറത്തിറങ്ങിയ ഷവോമിയുടെ ഇലക്ട്രിക്ക് ബ്രഷിന് 1,299 രൂപയാണ് വില. ഓറൽ-ബിയുടെയും കോൾഗേയ്റ്റിന്റെയും ഇലക്ട്രിക്ക് ടൂത്ത് ബ്രഷുകളോട് മത്സരിക്കാൻ ഒരുങ്ങുകയാണ് ഷവോമിയുടെ ടൂത്ത് ബ്രഷ്.
T100 എന്ന് പേരിട്ടിരിക്കുന്ന പുത്തൻ ഇലക്ട്രിക്ക് ടൂത്ത്ബ്രഷിന് കൂടുതൽ സോഫ്റ്റ് ആയ ബ്രസിൽസും, ശബ്ദക്കുറവും, 30 ദിവസത്തെ ബാറ്ററി ബായ്ക്കപ്പും ഷവോമി അവകാശപ്പെടുന്നു. T300-നേക്കാൾ കൂടുതൽ ഒതുക്കമുള്ള T100 ഇലക്ട്രിക്ക് ടൂത്ത്ബ്രഷ് ഒരൊറ്റ നിറത്തിൽ മാത്രമേ ലഭ്യമാവൂ. ദന്തരോഗ വിദഗ്ധരുടെ നിർദേശങ്ങളും സ്വീകരിച്ചു തയ്യാറാക്കിയ ഷവോമി T100 ഇലക്ട്രിക്ക് ടൂത്ത്ബ്രഷിന് Rs 549 രൂപയാണ് വില. ക്രൗഡ് ഫണ്ടിങ് വഴി Mi.com വെബ്സൈറ്റിൽ ബുക്ക് ചെയ്യാവുന്ന T100 ഇലക്ട്രിക്ക് ടൂത്ത്ബ്രഷ്, 359 രൂപ വിലയുള്ള ഓറൽ ബി ക്രോസ്സ്ആക്ഷൻ ബാറ്ററി ടൂത്ത്ബ്രഷിനും, 599 രൂപ വിലയുള്ള കോൾഗേറ്റ് 360 ചാർക്കോൾ ബാറ്ററി ഓപ്പറേറ്റഡ് ടൂത്ത്ബ്രഷിനും ശക്തമായ വെല്ലുവിളിയാകും എന്നുറപ്പാണ്.
കോൾ ചെയ്യാൻ മാത്രമല്ല ഇനി യാത്രയ്ക്കും ഷവോമിഡ്യുവൽ-പ്രോ ബ്രഷ് മോഡുകൾ, ഇക്വിക്ലീൻ ഓട്ടോ ടൈമർ എന്നിങ്ങനെ ആകെമൊത്തം ഹൈടെക് ആണ് T100 ഇലക്ട്രിക്ക് ടൂത്ത്ബ്രഷ്. സാധാരണ ബ്രഷുകളെക്കാൾ കൂടുതൽ കാര്യക്ഷമമായി പല്ലുതേക്കാൻ തങ്ങളുടെ ഇലക്ട്രിക്ക് ബ്രഷ് ഉപഭോക്താക്കളെ പ്രാപതമാക്കുന്നു എന്ന് ഷവോമി അവകാശപ്പെടുന്നു. ഓരോ 30 സെക്കൻഡിനുശേഷവും ടൂത്ത് ബ്രഷ് താൽക്കാലികമായി നിർത്തുകയും മറ്റൊരു പല്ലിന്റെ ദിശയിലേക്ക് ബ്രഷ് മറുവാനും പ്രേരിപ്പിക്കും. 2 മിനുട്ടിന് പല്ലുതേച്ചാൽ ബ്രഷിന്റെ പ്രവർത്തനം തനിയെ അവസാനിക്കും. സ്റ്റാൻഡേർഡ് മോഡ് കൂടാതെ കൂടുതൽ പരിചരണം ആവശ്യമായ പല്ലുകൾക്കായി ജെന്റിൽ മോഡും ഷവോമി T100 ഇലക്ട്രിക്ക് ടൂത്ത്ബ്രഷിൽ ക്രമീകരിച്ചിട്ടുണ്ട്. കൂടുതൽ മൃദുവായ ബ്രിസ്റ്റിൽസ് സാധാരണ ബ്രഷുകളിലെ നൈലോൺ ബ്രിസ്റ്റിൽസുകളെക്കാൾ 93 ശതമാനം കനംകുറഞ്ഞതാണത്രേ.
30 ദിവസത്തെ ബാറ്ററി ലൈഫ് ആണ് T100 ഇലക്ട്രിക്ക് ടൂത്ത്ബ്രഷിന്റെ മറ്റൊരാകർഷണം. അത് കൂടാതെ ഫാസ്റ്റ് ചാർജിങ് പിന്തുണയുമുണ്ട്. ബാറ്ററിയുടെയും ചാർജിങ്ങിന്റെയും നിലവാരം അറിയാൻ ഒരു LED ഇൻഡിക്കേറ്റർ ഘടിപ്പിച്ചിട്ടുണ്ട്. ഐപിഎക്സ് 7 റേറ്റിംഗുള്ള T100 ഇലക്ട്രിക്ക് ടൂത്ത്ബ്രഷിന് ഒരു പരിധിവരെ വാട്ടർ സ്പ്ലാഷ് ചെറുക്കൻ സാധിക്കും. 46 ഗ്രാം മാത്രം ഭാരമുള്ള T100 ഇലക്ട്രിക്ക് ടൂത്ത്ബ്രഷിൽ ആന്റി സ്ലിപ്പ് ബമ്പ് സ്ട്രാപ്പും ഉൾക്കൊള്ളിച്ചിട്ടുണ്ട്.
