ആലുവ: സംസ്ഥാനത്ത് ഒരു കോവിഡ് മരണം കൂടി. ബുധനാഴ്ച രാവിലെ ആലുവയിൽ മരിച്ച ആലുവ മാറമ്പിള്ളി കുന്നത്തുക്കര സ്വദേശി ബീവാത്തുവിനാണ് കോവിഡ് സ്ഥിരീകരിച്ചത്.
അർബുദരോഗിയായിരുന്ന ബീവാത്തുവിന് കോവിഡുമായ് ബന്ധപ്പെട്ട യാതൊരു രോഗലക്ഷണങ്ങളുമില്ലായിരുന്നു. കഴിഞ്ഞ ദിവസം ആലുവയിലെ സ്വകാര്യ ആശുപത്രിയിൽ പ്രവേശിപ്പിച്ച ബീവാത്തു ബുധനാഴ്ച രാവിലെ മരിക്കുകയായിരുന്നു.
സംസ്ഥാനത്ത് ഇന്നുമാത്രം അഞ്ചുപേർ കോവിഡ് ബാധിച്ച് മരിച്ചു. കാസർകോട്ടും കോഴിക്കോട്ടും കൊല്ലത്തുമാണ് ഓരോരുത്തർ മരിച്ചത്. കണ്ണൂരിൽ ചൊവ്വാഴ്ച മരിച്ച വിളക്കോത്തൂർ സ്വദേശി സദാനന്ദന്(60) കോവിഡ് ആയിരുന്നുവെന്ന് സ്ഥിരീകരിച്ചിരുന്നു.
