കോട്ടയം: ജില്ലയിൽ കോവിഡ് രോഗികളുടെ എണ്ണത്തിൽ വർധന തുടരുന്നു. ഇന്ന് 126 പേർക്കു കൂടിയാണ് കോവിഡ് സ്ഥിരീകരിച്ചത്.ഇതിൽ 118 പേർക്ക് സമ്പർക്കത്തിലൂടെയാണ് രോഗം ബാധിച്ചത്. സംസ്ഥാനത്തിനു പുറത്തുനിന്ന് എത്തിയ എട്ടുപേരും ഇതിൽ ഉൾപ്പെടുന്നു.
81 പേർ രോഗമുക്തരായി. നിലവിൽ 1311 പേർ ചികിത്സയിലുണ്ട്. ഇതുവരെ 3543 പേർക്ക് രോഗം ബാധിച്ചു. 2229 പേർ രോഗമുക്തരായി. ജില്ലയിൽ ആകെ 13124 പേർ ക്വാറന്റെനിൽ കഴിയുന്നുണ്ട്.
കോട്ടയം മുനിസിപ്പാലിറ്റിയിൽ സമ്പർക്കം മുഖേന 22 പേർക്കു രോഗം ബാധിച്ചു. ആർപ്പൂക്കര 10, കുമരകം 7, മുണ്ടക്കയം, തലപ്പലം, ഈരാറ്റുപേട്ട 6 വീതം തൃക്കൊടിത്താനം, കൂരോപ്പട 5 വീതം എന്നിവയാണ് സമ്പർക്ക വ്യാപനം കൂടുതലായി റിപ്പോർട്ട് ചെയ്യപ്പെട്ട മറ്റു സ്ഥലങ്ങൾ.
