കോട്ടയം: ജില്ലയിൽ നഗരത്തിൽ കോവിഡ് വ്യാപനം വർധിക്കുന്നു. ജില്ലയിൽ ഇന്ന് 122 പേർക്കാണ് കോവിഡ് സ്ഥിരീകരിച്ചത്. ഇതിൽ 199 പേർക്കും സമ്പർക്കത്തിലൂടെയാണ് രോഗം ബാധിച്ചത്. ഇതിൽ രണ്ട് ആരോഗ്യ പ്രവർത്തകരും സംസ്ഥാനത്തിന് പുറത്തുനിന്നെത്തിയ ഒരാളും ഉൾപ്പെടുന്നു.
കോട്ടയം മുനിസിപ്പാലിറ്റിയിൽ 18 പേർക്കാണ് ഇന്ന് കോവിഡ് സ്ഥിരീകരിച്ചത്. ആകെ 2513 പരിശോധനാ ഫലങ്ങളാണ് പുതിയതായി ലഭിച്ചത്. കോട്ടയം-18, തൃക്കൊടിത്താനം-10, ചങ്ങനാശേരി-9, വാഴപ്പള്ളി-ഒൻപത്, കുറിച്ചി-ഏഴ്, തിരുവാർപ്പ്-ആറ്, നീണ്ടൂർ-ആറ്, വിജയപുരം-അഞ്ച്, പുതുപ്പള്ളി-അഞ്ച്, വെച്ചൂർ-അഞ്ച് എന്നിവിടങ്ങളിലാണ് രോഗം കൂടുതലായി റിപ്പോർട്ട് ചെയ്യപ്പെട്ടത്.
അതേസമയം, രോഗം ഭേദമായ 121 പേർ കൂടി ആശുപത്രി വിട്ടു. നിലവിൽ 2155 പേരാണ് ചികിത്സയിലുള്ളത്. ഇതുവരെ 6282 പേർ രോഗബാധിതരായി. 4124 പേർ രോഗമുക്തി നേടി.
