നിങ്ങളുടെ ക്ഷമയ്ക്ക് ഞാൻ അർഹനല്ല എന്ന് അറിയാമെന്നും എന്നാലും ഒരു സഹോദരനായി കണ്ട് മാപ്പ് തരണമെന്നും വിജയ് സേതുപതിയോടും മക്കളോടും ഭാര്യയോടും എല്ലാ തമിഴൻമാരോടും മാപ്പു പറയുന്നതായും യുവാവ് പറഞ്ഞു. തന്റെ കുടുംബത്തിന്റെ നല്ല ഭാവിയെ കരുതിയാണ് താൻ മുഖം മറച്ച് എത്തിയതെന്നും വീഡിയോയിൽ യുവാവ് പറയുന്നുണ്ട്. വിജയ് സേതുപതിയുടെ പ്രായപൂർത്തിയാകാത്ത മകളുടെ ചിത്രം വച്ചുകൊണ്ടായിരുന്നു യുവാവിന്റെ ട്വീറ്റ്.
ശ്രീലങ്കൻ ക്രിക്കറ്റ് താരം മുത്തയ്യ മുരളീധരന്റെ ജീവിത്തെ ആസ്പദമാക്കി ഒരുക്കിയ ചിത്രത്തിൽ നിന്നും സേതുപതി പിൻമാറിയിരുന്നു. ശ്രീലങ്കയിൽ നടന്ന തമിഴ് കൂട്ടക്കൊലയെ മുരളീധരൻ ന്യായീകരിച്ചുവെന്നും മഹിന്ദ രാജപക്ഷെയ്ക്ക് അനുകൂലമായ നിലപാട് എടുത്തുവെന്നും ആരോപിച്ച് സേതുപതിയ്ക്കെതിരെ വ്യാപക പ്രതഷേധം ഉണ്ടാകുകയും കരിയറിനെ ഇത് മോശമായി ബാധിക്കും എന്നതിനാൽ സിനിമയിൽ നിന്നും പിന്മാറണമെന്ന് മുത്തയ്യ മുരളീധരൻ വിജയ് സേതുപതിയോട് അഭ്യർത്ഥിക്കുകയും ചെയ്തിരുന്നു
