ന്യൂഡൽഹി: ബലാത്സംഗ കേസിലെ പ്രതിയോട് ഇരയെ വിവാഹം കഴിക്കാമോ എന്ന് താന് ചോദിച്ചുവെന്ന വാര്ത്തകള് തെറ്റാണെന്ന് ചീഫ് ജസ്റ്റിസ് എസ്.എ. ബോബ്ഡെ പറഞ്ഞു. തന്റെ പരാമര്ശങ്ങള് മാധ്യമങ്ങള് തെറ്റായി റിപ്പോര്ട്ടു ചെയ്തു. സ്ത്രീത്വത്തിന് വളരെ ഉയര്ന്ന ബഹുമാനമാണ് സുപ്രീം കോടതി നല്കുന്നത്.
മഹാരാഷ്ട്രയില് നിന്നുള്ള ബലാത്സംഗ കേസിലെ പ്രതിയുടെ ജാമ്യാപേക്ഷ പരിഗണിക്കവെയാണ് ഇരയെ വിവാഹം കഴിക്കാമോ എന്ന് ചീഫ് ജസ്റ്റിസ് ആരാഞ്ഞതായി വാർത്ത വന്നത്.
എന്നാല് വിവാഹം കഴിക്കണമെന്ന് താന് നിര്ദേശിച്ചിട്ടില്ലെന്നും വിവാഹം കഴിക്കാന് പോകുകയാണോ എന്ന് പ്രതിയുടെ അഭിഭാഷകനോട് ആരായുക മാത്രമാണ് ചെയ്തതെന്നും ചീഫ് ജസ്റ്റിസ് വിശദീകരിച്ചു.
