ന്യൂഡൽഹി: യുവാക്കളോട് ഭഗവത് ഗീത വായിക്കാൻ നിർദേശിച്ച് പ്രധാനമന്ത്രി നരേന്ദ്ര മോദി. സ്വാമി ചിദ്ഭവാനന്ദയുടെ ഭഗവത് ഗീതയെക്കുറിച്ചുള്ള നിരൂപണങ്ങളുടെ ഇ–ബുക്ക് പതിപ്പ് പ്രകാശനം ചെയ്യവെയാണ് മോദി ഇത് പറഞ്ഞത്. തിരക്കുപിടിച്ച ജീവിതത്തിനിടയിൽ ഗീത മരുപ്പച്ചയാണ്. ജീവിതത്തിലെ പല ഘട്ടങ്ങളിലേക്കമുള്ള പ്രായോഗിക നിർദേശങ്ങളാണ് ഗീതയിലുള്ളതെന്നും മോദി പറഞ്ഞു . ചോദ്യങ്ങൾ ഉന്നയിക്കാനും ചിന്തിക്കാനും ഗീത പ്രേരിപ്പിക്കും. തുറന്ന മനസ്സോടെ ചർച്ച നടത്താൻ സഹായിക്കും. ഗീതയിലൂടെ ഉദ്ബോധിതരാകുന്നവർ ജനാധിപത്യബോധമുള്ളവരും പ്രകൃതി സ്നേഹികളുമായിരിക്കുമെന്നും പ്രധാനമന്ത്രി പറഞ്ഞു.
