സർവൈവൽ ത്രില്ലർ ഗണത്തിൽ പെടുന്ന പുതിയ ചിത്രം 18 ഹൗർസിന്റെ ട്രെയിലർ പുറത്തിറങ്ങി. സാൾട്ട് മാംഗോ ട്രീ, എസ്കേപ് ഫ്രം ഉഗാണ്ട തുടങ്ങിയ ചിത്രങ്ങൾ ഒരുക്കിയ രാജേഷ് നായരാണ് ചിത്രമ സംവിധാനം ചെയ്യുന്നത്. ചിത്രം മനോരമ മാക്സിലൂടെയും മഴവിൽ മനോരമയിലൂടെയുമാണ് പ്രേക്ഷകർക്ക് മുന്നിലെത്തുന്നത്.
 |
| വീഡിയോ കാണാന് ക്ലിക്ക് ചെയ്യു |
കുറച്ചു കോളജ് വിദ്യാർഥികളുടെ കഥയാണ് ചിത്രം പറയുന്നത്. ഒരു ബസിൽ വച്ച് അവർക്ക് വലിയൊരു പ്രതിസന്ധി നേരിടേണ്ടി വരുന്നതും അതിൽ നിന്ന് അവർ രക്ഷപെടുന്നതുമാണ് ചിത്രത്തിൽ അവതരിപ്പിച്ചിരിക്കുന്നത്. രാജേഷ് നായരും സലിൽ ശങ്കരനും ചേർന്ന് നിർമിച്ചിരിക്കുന്ന ചിത്രത്തിന്റെ രചന നിർവഹിച്ചിരിക്കുന്നത് വിനോദാണ്. പിഎം രാജ്കുമാറാണ് ഛായാഗ്രഹണം. ചിത്രം ഉടൻ തന്നെ പ്രേക്ഷകരിലേക്കെത്തുമെന്നാണ് അണിയറക്കാർ നൽകുന്ന സൂചന.
