തെന്നിന്ത്യയിലെ രണ്ട് വന് പ്രോജക്റ്റുകളുടെ ഭാഗമാണ് ഇപ്പോള് ഫഹദ് ഫാസില്. അല്ലു അര്ജുന്റെ പ്രതിനായകനായി എത്തുന്ന തെലുങ്ക് ചിത്രം 'പുഷ്പ'യാണ് അതിലൊന്ന്. മറ്റൊന്ന് കമല് ഹാസനെ നായകനാക്കി ലോകേഷ് കനകരാജ് സംവിധാനം ചെയ്യുന്ന 'വിക്ര'മും. വിജയ് സേതുപതിയും ഈ ചിത്രത്തിന്റെ ഭാഗമാണ്. അതേസമയം ഫഹദിന്റെ തെലുങ്ക് അരങ്ങേറ്റവുമാണ് പുഷ്പ. ഇപ്പോഴിതാ ഫഹദിന് പിറന്നാളാശംസകളുമായി 'പുഷ്പ'യുടെ ഒരു ക്യാരക്റ്റര് പോസ്റ്റര് അവതരിപ്പിച്ചിരിക്കുകയാണ് അണിയറക്കാര്. ഫഹദ് ഫാസിലിന്റെ കണ്ണ് മാത്രമാണ് പുറത്തിറങ്ങിയിരിക്കുന്ന മനോഹരമായ പോസ്റ്ററില്. 'തിന്മ മുന്പ് ഇത്രയും അപകടകരമായിരുന്നില്ല' എന്ന വാചകവും പോസ്റ്ററില് ഉണ്ട്. ട്വിറ്ററില് പുറത്തിറക്കി മിനിറ്റുകള്ക്കുള്ളില് വലിയ സ്വീകരണമാണ് ആരാധകര് പോസ്റ്ററിന് നല്കുന്നത്.
 |
| വീഡിയോ കാണാന് ക്ലിക്ക് ചെയ്യു |
സുകുമാര് സംവിധാനം ചെയ്യുന്ന ചിത്രം ആക്ഷന് ത്രില്ലര് ഗണത്തില് പെടുന്ന ഒന്നാണ്. സംവിധായകന്റേതാണ് രചനയും. മൈത്രി മൂവി മേക്കേഴ്സ്, മുട്ടംസെട്ടി മീഡിയ എന്നീ ബാനറുകളില് നവീന് യെര്ണേനി, വൈ രവി ശങ്കര് എന്നിവരാണ് നിര്മ്മാണം. ഛായാഗ്രഹണം മിറോസ്ലാവ് കൂബ ബ്രോസെക്. എഡിറ്റിംഗ് കാര്ത്തിക ശ്രീനിവാസ്. സംഗീതം ദേവി ശ്രീ പ്രദാസ്. രണ്ട് ഭാഗങ്ങളിലായി എത്തുന്ന ചിത്രത്തിന്റെ ആദ്യ ഭാഗം ഈ വര്ഷം ഡിസംബറില് എത്തും.
